Euskal Herriko Agintaritzaren Aldizkaria

209. zk., 2017ko azaroaren 2a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

OSAKIDETZA-EUSKAL OSASUN ZERBITZUA

5258

IRAGARKIA, Osakidetza-Euskal osasun zerbitzuarena, «Osakidetzan euskarazko hizkuntza sanitarioa hedatzeko eta sendotzeko dibulgazioko argitalpena sortzea eta zabaltzea» kontratatzeko espedientearen lizitaziorako prozedura irekiari buruzkoa.

1.– Erakunde esleitzailea: datu orokorrak eta informazioa eskuratzeko datuak:

a) Erakundea: Osakidetza-Euskal osasun zerbitzua, Osasun Sailari atxikitako Ente Publikoa, Zuzendaritza Nagusia, Araba kalea, 45 – 01006, Vitoria-Gasteiz (Araba). Posta elektronikoa: contrata@osakidetza.eus. Kontratatzailearen profilaren Interneteko helbidea: www.osakidetza.euskadi.eus

b) Espedientea izapidetzen duen bulegoa: Zuzendaritza Nagusia – Erosketa, Obra eta Zerbitzu Estrategikoen Zuzendariordetza.

c) Dokumentazioa eta informazioa lortzea: Zuzendaritza Nagusia, Araba kalea, 45, 01006, Vitoria-Gasteiz (Araba).

d) Espediente zenbakia: G/211/20/1/1557/O001/0000/102017.

2.– Kontratuaren xedea.

a) Mota: zerbitzuak.

b) Deskribapena: dibulgazioko argitalpena sortu eta zabaltzea, euskarazko hizkuntza sanitarioa hedatu eta sendotzeko Osakidetzaren barruan.

c) Loteak eta kopurua: ez.

d) Gauzatu eta entregatzeko lekua: Osakidetza ente publikoa.

e) Gauzatu eta entregatzeko epea: 2018-01-01etik 2018-12-31ra.

f) Luzatzeko aukera: bai.

g) Esparru-akordio bat ezartzea (hala dagokionean): ez.

h) CPV (Nomenklatura Erreferentzia): 98112000-1.

3.– Izapideak eta prozedura.

a) Izapidetzea: ohikoa.

b) Prozedura: irekia.

c) Esleitzeko irizpideak: klausula administratibo partikularren pleguko karatulan ezarritakoaren arabera:

c.1.– Balio-judizioetan oinarritutako irizpideak: % 50.

c.1.1.– Sormena, originaltasuna eta modernotasuna: 15 puntu.

c.1.2.– Kalitatea eta fase guztiak osatu eta irakurlearengana iritsi bitartean aurrera eraman beharreko prozesu guztien egokitasuna bermatzen duten teknologiak erabiltzea eta ezaugarri teknikoak betetzea: 10 puntu.

c.1.3.– Proposamena euskarazko hizkuntza sanitarioa zabaldu eta sendotzeko helburura egokitzea eta hori proposamenaren oinarrietan eskatutako edukira, luzapenera eta inprimatzearen aldizkakotasunera egokitzea. 15 puntu.

c.1.4.– Proiektuari zuzendutako bitartekoekin eta giza baliabideekin sendotasuna eta segurtasuna ematea proiektuari, modurik onenean gara dadin: 10 puntu.

c.2.– Formulatan oinarritutako irizpideak: % 50.

c.2.2.– Prezioa: 50 puntu.

4.– Kontratuaren balio zenbatetsia: 180.000,00 euro, BEZik gabe.

5.– Lizitaziorako oinarrizko aurrekontua: 90.000,00 euro, BEZik gabe.

6.– Eskatutako bermeak: behin betiko bermea: esleipenaren zenbatekoaren % 5.

7.– Kontratugilearen berariazko betebeharrak:

a) Sailkapena: ez dagokio.

b) Bestelako ekonomiako eta finantzako kaudimenak eta kaudimen tekniko edo profesionala Espainiako enpresentzat, Europar Batasuneko Estatu kideetako atzerriko enpresentzat eta Europar Batasuneko kide ez diren Estatuetako atzerriko enpresentzat.

b.1.– Ekonomiako eta finantzako kaudimena:

b.1.1.– Betekizunak: enpresa lizitatzaileek azken hiru urte bukatuetan negozio-bolumenik altuena izan duen urteko negozio-bolumena ziurtatu beharko dute, eta bolumen hori lizitazioko oinarrizko aurrekontuaren zenbatekoari (BEZik gabe) dagokiona izan beharko da.

b.1.2.– Agiriak eta/edo ziurtagiriak: urteko negozio-bolumena (zenbatekoa) onartutako eta Merkataritzaren Erregistroan jasotako urteko kontuen bidez egiaztatuko da, enpresarioa erregistro horretan inskribatuta balego eta, horrela ez balitz, inskribatuta egon behar den erregistro ofizialetan jasotakoen bidez. Merkataritzako Erregistroan inskribatuta ez dauden enpresari indibidualek beren inbentarioen eta urteko kontu legeztatuen liburuekin egiaztatuko dute beren urteko bolumena.

b.2.– Kaudimen teknikoa edo profesionala:

b.2.1.– Betekizunak: enpresa lizitatzaileek azken 5 urtean kontratuaren xede direnen antzekoak diren edo pareko ezaugarriak dituzten zerbitzuak egin izana ziurtatu beharko dute, eta urteko zenbateko pilatua lizitazioko oinarrizko aurrekontuaren zenbatekoa edo hori baino handiagoa izan beharko da.

b.2.2.– Agiriak eta/edo ziurtagiriak: azken bost urtean gauzatu diren eta lizitazio-kontratu honetakoen berdinak edo antzekoak izan diren hornikuntza nagusien zerrenda; bertan adieraziko dira haien zenbatekoa, datak eta hartzailea (publikoa zein pribatua). Jasotzailea sektore publikoko erakunde bat bada, eskudun organoak bisatutako edo egiaztatutako agirien bitartez ziurtatu beharko dira egindako hornidurak; jasotzailea arlo pribatuko eroslea bada, horrek emandako ziurtagirien bidez, eta halakorik ez bada, enpresariaren deklarazioaren bidez.

8.– Eskaintzak edo parte hartzeko eskabideak aurkezteko era.

a) Aurkezteko azken eguna: 2017ko azaroaren 20a, 13:00etan.

b) Aurkezteko era: klausula administratibo partikularren pleguan eskatutakoa.

c) Aurkezteko lekua: ikusi 1.a puntua.

d) Prozedura mugatua izanez gero eskaintzak aurkezteko deia egingo zaien enpresen kopurua: ez dagokio.

e) Aldagaiak onartzea: ez.

d) Lizitatzaileak zenbat denboran mantendu beharko duen eskaintza: bi hilabete, eskaintza ekonomikoaren gutun-azala irekitzen denetik kontatzen hasita; hamabost egun baliodun gehiagoz luzatu ahal izango da epe hori, SPKLTBaren 152.3 artikuluak aipatzen dituen izapideak egin beharra dagoenean (balio anormal edo neurrigabeak).

9.– Eskaintzak irekitzea.

a) Eskaintzak irekitzea, balio-judizioa egiteari lotutako irizpideei dagokienez: erakundea: Zuzendaritza Nagusia, Araba kalea 45, 01006, Vitoria-Gasteiz (Araba). Data: 2017ko azaroaren 27a, 12:45ean.

b) Aplikatzeko formulak kalkulatzea eskatzen duten irizpideen gutun-azala irekitzea: Erakundea: Zuzendaritza Nagusia, Araba kalea 45, 01006, Vitoria-Gasteiz (Araba). Data: 2017ko abenduaren 19an, 12:15ean.

10.– Publizitate gastuak: esleipendunaren kontura (466,14 euro).

11.– Iragarkia «Europako Erkidegoen Aldizkari Ofizialera» bidali den eguna (halakorik bada): ez dagokio.

12.– Bestelako informazioa: pleguetan. Deialdiari buruzko argibideak lortzeko edo pleguak eskuratzeko web orria: www.osakidetza.euskadi.eus

Vitoria-Gasteiz, 2017ko urriaren 26a.

Kontratazio Mahaiko presidentearen ordezkoa,

ENEKO ZARRAOA GARMENDIA.

Azterketa dokumentala