205. zk., 2017ko urriaren 26a, osteguna
- Bestelako formatuak:
- PDF (218 KB - 1 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HEZKUNTZA SAILA
5148
AGINDUA, 2017ko urriaren 11koa, Hezkuntzako sailburuarena, Laudioko udalerriko (Araba) «Llodio» Helduen Hezkuntzako Ikastegiaren izen espezifikoaren aldaketa onartzeko dena.
Laudioko udalerriko (Araba) «Llodio» Helduen Hezkuntzako Ikastegiaren izen espezifikoa aldatzeko egindako proposamena aztertu da.
Espediente horren izapideak araudiak ezarritako prozedurari jarraituz egin dira; gainera, indarrean dauden arauek eskatzen dituzten agiriak erantsi zaizkio eta arlo horretan eskumena duten erakundeek egin diote txostena.
Heziketarako eskubidea arautzen duen uztailaren 3ko 8/1985 Lege Organikoa eta gai horretan aplikatzekoak diren gainerako legeak ikusi ondoren, honako hau
EBAZTEN DUT:
Artikulu bakarra.– «Llodio» Helduen Hezkuntzako Ikastegiaren izen espezifikoa aldatzea onartzen da: aurrerantzean «Laudio» Helduen Hezkuntzako Ikastegia izango du izena. Ikastetxe hori Araban dago, Laudioko udalerriko Latiorro kaleko 8. zenbakian, eta 01002259 kode-zenbakia du.
AZKEN XEDAPENA
Agindu honen aurka, aukerako berraztertze-errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta biharamunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta biharamunetik aurrera.
Vitoria-Gasteiz, 2017ko urriaren 11.
Hezkuntzako sailburua,
CRISTINA URIARTE TOLEDO.