Euskal Herriko Agintaritzaren Aldizkaria

197. zk., 2017ko urriaren 16a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

OSAKIDETZA-EUSKAL OSASUN ZERBITZUA

4936

1170/2017 EBAZPENA, irailaren 12koa, Osakidetza-Euskal osasun zerbitzuko zuzendari nagusiarena. Horren bidez, Euskal Herriko Agintaritzaren Aldizkarian Euskal Autonomia Erkidegoko Justizia Auzitegi Nagusiaren 2016ko irailaren 13ko 393/2016 epaiaren betearazpena argitaratzen da. Epaia Jenifer García-Diego Fernández andreari dagokio zehazki, zeina erradioterapiako teknikari espezialista kategorian baitago (2011ko lan-eskaintza publikoa).

EAEko Justizia Auzitegi Nagusiaren 2016ko irailaren 13ko 393/2016 epai judiziala ikusi da, eta agindu judizialari dagokion administrazio-espedientea aztertu da, honako hauek oinarri hartuta:

AURREKARIAK

Lehenengoa.– EAEko Justizia Auzitegi Nagusiaren 2016ko irailaren 13ko epai judizialaren eta 2017ko apirilaren 24ko Autoaren ondorioz, 2011ko lan-eskaintza publikoaren harira zenbait ekintza gauzatu behar dira, Erradioterapiako Teknikari Espezialistaren kategoriaren hautaketa-prozesuari dagokionez.

Bigarrena.– Erradioterapiako Teknikari Espezialistaren kategoriako hautaketa-prozesuan lehenago gauzatu diren ekintzak ikusita, Jenifer García-Diego Fernández andrearen egoerari dagokionez, epaia betearazteko izapideekin jarraitu behar da.

ZUZENBIDEKO OINARRIAK

Lehenengoa.– Osakidetza-Euskal osasun zerbitzuko zuzendari nagusiari dagokio epaia exekutatzea, Euskadiko Antolamendu Sanitarioaren ekainaren 26ko 8/1997 Legeak eta Osakidetza-Euskal osasun zerbitzua Ente Publikoaren Estatutu Sozialak ezartzen dituen azaroaren 11ko 255/1997 Dekretuak ematen dizkioten eskumenen arabera.

Bigarrena.– Administrazioarekiko auziez arduratzen diren epaitegi eta auzitegiek beren epaiak betearazteko eskumena dute; prozesuko alderdiek, berriz, epai eta ebazpen horiek bertan adierazten den moduan bete behar dituzte, horixe xedatzen baita administrazioarekiko auzietako jurisdikzioa arautzen duen 1998ko uztailaren 13ko 29/1998 Legearen 103.1 eta 103.2 artikuluetan.

Euskal Autonomia Erkidegoko Justizia Auzitegi Nagusiaren 2017ko apirilaren 24ko ebazpen judizialaren ondorioz, eta Osakidetza-Euskal osasun zerbitzuko zuzendari nagusiaren uztailaren 15eko 1282/2011 Ebazpenak onartutako deialdiaren oinarri orokorrekin bat etorriz izapideak egin ondoren, Jenifer García-Diego Fernández andreari 20,4000 puntu onartu behar zaizkio prestakuntzaren atalean, eta 107,7519 puntu onartu behar zaizkio osotara, eta, beraz, destinoa hautatzeko aukera dagokio.

Era berean, Jenifer García-Diego Fernández andreari destino bat esleitu behar zaio Donostialdea ESIan (Donostiako Ospitalea), txanda irekiaren bidez, Erradioterapiako Teknikari Espezialistaren kategorian.

Hirugarrena.– Prozedura izapidetzean egin diren gainontzeko administrazio-egintzak, hain zuzen ere, orain aldatutakoekin zerikusirik ez dutenak, bere horretan utziko dira, gauzatu ziren moduan (Administrazio Publikoen Administrazio Prozedura Erkidearen urriaren 1eko 39/2015 Legearen 51. artikulua).

Laugarrena.– Prozedura hau izapidetzerakoan interesdunei entzunaldia eman zaie, Administrazio Publikoen Administrazio Prozedura Erkidearen urriaren 1eko 39/2015 Legearen 82. artikuluan ezarritakoa betez.

Jenifer García-Diego Fernández andreak ez du alegazio-idazkirik aurkeztu.

Horregatik guztiagatik, honako hau

EBAZTEN DUT:

Lehenengoa.– Euskal Autonomia Erkidegoko Justizia Auzitegi Nagusiaren 2016ko irailaren 13ko epaia betearaztea, Jenifer García-Diego Fernández andreari dagokionez, 2011ko lan-eskaintza publikoaren harira.

Bigarrena.– Epaitza izapide hauen bitartez gauzatzea:

1.– Jenifer García-Diego Fernández andreari 20,4000 puntu onartzea prestakuntzaren atalean, eta 107,7519 puntu onartzea hautaketa-prozesu osoari dagokionez.

2.– Jenifer García-Diego Fernández andreari destino bat esleitzea Donostialdea ESIan (Donostiako Ospitalea), txanda irekiaren bidez, Erradioterapiako Teknikari Espezialistaren kategorian, Osakidetza-Euskal osasun zerbitzuko zuzendari nagusiaren uztailaren 15eko 1282/2011 Ebazpenak onartutako deialdiaren oinarri orokorretan ezarritako prozedurari jarraituz.

3.– Jenifer García-Diego Fernández andrea pertsonal estatutario finko izendatzea, Erradioterapiako Teknikari Espezialista kategorian; bestalde, hilabeteko epea izango du, ebazpen hau Euskal Herriko Agintaritzaren Aldizkarian argitaratzen den egunaren biharamunetik zenbatzen hasita, esleitutako destinoa Osakidetza-Euskal osasun zerbitzuaren Zuzendaritza Nagusiaren egoitzan hartzeko.

Hirugarrena.– Ebazpen honetan xedatutakoaren eraginetik at geratzen diren gainerako egintza eta izapideek bere hartan jarrai dezatela agintzea.

Laugarrena.– Ebazpen hau EHAAn argitara dadila agintzea, eta Vitoria-Gasteizko Administrazioarekiko auzien 2. zenbakiko Epaitegiari jakinaraztea.

Bosgarrena.– Epaia betearazteko izapideetan sor daitezkeen gorabeherak aztertzea eta ebaztea epaitegi horri dagokio, halaxe ezartzen baita Administrazioarekiko Auzien Jurisdikzioa arautzen duen uztailaren 13ko 29/1998 Legearen 103.1 eta 109. artikuluetan.

Vitoria-Gasteiz, 2017ko irailaren 12a.

Osakidetza-Euskal osasun zerbitzuko zuzendari nagusia,

MARÍA JESÚS GEMMA MÚGICA ANDUAGA.

Azterketa dokumentala