RSS
194. zk., 2017ko urriaren 10a, asteartea
- Bestelako formatuak:
- PDF (231 KB - 3 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
OSASUN SAILA
4871
IRAGARKIA, zeinaren bidez jakinarazten baita Osasun Publikoaren eta Adikzioen zuzendariak 40/2016 zehapen-prozeduran emandako ebazpena.
Ohiko moduan saiatu arren, Bar Pase (Foru kalea 39, Vitoria-Gasteiz) establezimenduaren titular Enrique Díez Rodríguez jaunari ezin izan zaio jakinarazi aipatutako ebazpena. Hori dela eta, argitara ematen da iragarki hau.
Iragarkiaren bidez jakinarazten da osasun-arloko arau-hauste astun bat (tabakoa) egiteagatik irekitako zehapen-espedientean ebazpena eman dela, 2017ko irailaren 8an, zeinaren bidez 601 euroko isun-zehapena ezarri baitzaio.
Legezko ohartarazpenak:
– Ebazpen honek ez du administrazio-bidea agortzen, eta gora jotzeko errekurtsoa jarri ahal zaio Osasuneko sailburuordeari. Gora jotzeko errekurtsoa jar daiteke aipatutako sailburuordearen edo Osasun Publikoaren eta Adikzioen zuzendariaren aurrean, jakinarazten den egunaren biharamunean hasita hilabeteko epean, hala xedatzen baitute Administrazio Publikoen Administrazio Prozedura Erkidearen urriaren 1eko 39/2015 Legearen 121. artikuluak eta hurrengoek. Era berean, egoki iritzitako beste edozein errekurtso ere aurkeztu ahal izango du. Epe horretan, espedientea aztertu ahal izango da Osasun Sailaren Arabako Lurralde Ordezkaritzan (Olagibel kalea 38, Gasteiz).
Ohartarazten da zehapenaren zenbatekoa honako epe honetan ordaindu beharko dela: ebazpena hilaren 1etik 15era bitartean egiten bada irmo, egun horretatik hurrengo hilaren 5. egunera bitartean egin beharko da ordainketa, eta, egun hori balioduna ez bada, hurrengo egun baliodunera bitartean. Ebazpena hilaren 16tik hileko azken egunera bitartean egiten bada irmo, irmo egiten den egun horretatik hurrengo hilaren 20ra bitartean, edo, egun hori balioduna ez bada, hurrengo egun baliodunera arte. Ebazpena irmo izango da gora jotzeko errekurtsoa jartzeko hilabeteko epea igaro eta errekurtsorik jarri ez bada, edo, benetan errekurtsoa jarri bada, interesdunak ezestearen jakinarazpena jasotzen duen egunetik aurrera, hala badagokio.
Ordainketa honako banku-erakundean eta kontu korrontean egingo da, espediente-zenbakia aipatuz:
Caja Laboral-Euskadiko Kutxa – Kontu zk. IBAN ES31/3035/0056/40/0560900123. Arabako Lurralde Ordezkaritza.
Isuna borondatezko epearen barruan, errekurtsoa aurkezteko epea igaro ondoren, ordaintzen ez bada, premiamendu bidez ordainaraziko da, betiere indarrean diren xedapenetan ezarritakoarekin bat etorriaz, eta dagozkion errekarguak aplikatuko zaizkio.
Eta hala jakinarazten da Euskal Herriko Agintaritzaren Aldizkarian eta Estatuko Aldizkari Ofizialean argitaratuta, Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan aurreikusitako ondorioetarako.
Ediktu bidezko jakinarazpen honek dies a quo efektuak sortuko ditu, epeak zenbatzeari dagokionez, Estatutuko Aldizkari Ofizialean argitaratzen denetik aurrera.
Vitoria-Gasteiz, 2017ko urriaren 4a.
Osasuneko Arabako lurralde-ordezkaria,
ARTURO LÓPEZ RUIZ.
