Euskal Herriko Agintaritzaren Aldizkaria

162. zk., 2017ko abuztuaren 25a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA

4195

EDIKTUA, ezkontzaz kanpoko seme-alabentzako neurrietarako 169/2015 prozeduraren ondoriozkoa.

JAKINARAZPEN-ZEDULA

Durangoko (Bizkaia) Lehen Auzialdiko 2 zenbakiko Epaitegian, ezkontzaz kanpoko seme-alabentzako neurriei buruzko 169/2015 prozedura bideratu da, Gladys Esperanza Cardoza Lagos-ek eskatuta Abimelec Osorio Rodriguez-en aurka. Prozedura horren gainean epaia eman da. Hona hemen idazpurua eta epaitza:

149/2017 EPAIA

Epailea: Julio Luis Gallego Martinez.

Lekua: Durango (Bizkaia).

Eguna: bi mila eta hamazazpiko uztailaren hogeita seia.

Alderdi demandatzailea: Gladys Esperanza Cardoza Lagos.

Abokatua: Laura Totoricaguena Odiaga.

Prokuradorea: Ana Maria Idocin Ros.

Alderdi demandatua: Abimelec Osorio Rodriguez.

Abokatua.

Prokuradorea.

Judizioko gaia: seme adingabearentzako neurriak arautzeko demanda.

Durango, 2017ko uztailaren 26a.

Julio Luis Gallego Martínezek, Durangoko lehen auzialdiko eta instrukzioko 2 zenbakiko epaitegiko epaileak, ezkontzaz kanpoko seme-alabentzako neurrietarako bideratu diren 169/2015 autoak ikusi ditu. Autoak epaitegi honetan bideratu dira, Gladys Esperanza Cardoza Lagos-ek eskatuta, auzitegietako prokuradore Idocin Ros ordezkari duela eta Totoricagüena Odiaga abokatuaren laguntzarekin, Abimelec Osorio Rodríguez-en aurka, auzi-iheslaria bera.

EPAITZA

Osorik baiesten dut Gladys Esperanza Cardoza Lagos-en ordezkaritza prozesalak aurkeztu duen demanda, Abimelec Osorio Rodríguez-en aurkakoa. Horrenbestez, hau deklaratzen dut:

1.– XXXXX adingabearen zaintza eta jagoletza eta guraso-ahala amari esleitzea.

2.– Abimelec Osorio Rodríguez-ek 250 euroko mantenu-pentsioa ordaindu beharko du, demandatzaileak adierazitako kontuan, hileko lehen bost egunen barruan; zenbateko hori urtero eguneratu ahal izango da, urte bakoitzeko urtarrilaren batean, Estatistika Institutu Nazionalak urtero argitaratutako Kontsumoko Prezioen Indizeak dituen aldaketekin bat etorriz.

Aurrekoaz gain, eta aparteko gastuei dagokienez, halakotzat hartuko dira salbuespenez sortutakoak izanik ohiko kontribuzio gisa hartu behar ez direnak; eta, bereaz, honako hauek sartzen dira: gizarte-segurantzak edo dagokion mutuak estaltzen ez dituen medikuak edo, estali gabe egonik, oso garestiak direnak, tratamendu psikikoak, aparatuak (lentillak, betaurrekoak, ortodontzia...) eta dagozkion mediku-sariak. Horiek erdibana ordainduko dituzte bi gurasoek, eta zaintza duenak agiri bidez justifikatu beharko du beharrezkoak direla eta zein den haien zenbatekoa eta, desadostasuna badago, onarpen judiziala eskatuko da.

Ez da berariaz kosturik ezartzen prozedura honetan.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: n. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta Abimelec Osorio Rodriguez demandatuari behar bezalako jakinarazpena egiteko balio dezan, ematen eta sinatzen dut hau, Durangon (Bizkaia), 2017ko uztailaren 27an.

JUSTIZIA ADMINISTRAZIOAREN LETRADUA.

Azterketa dokumentala