Euskal Herriko Agintaritzaren Aldizkaria

162. zk., 2017ko abuztuaren 25a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

4194

EDIKTUA, ezkontzaz kanpoko seme-alabentzako neurrietarako 566/2016 prozeduraren ondoriozkoa.

Durangoko Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.

Judizioa: 566/2016 ezkontzaz kanpoko seme-alabentzako neurriak.

Demandatzailea: Enoch Alex Takye Bonney.

Abokatua: Juan Carlos Perez.

Prokuradorea: Nuria Vega Suarez.

Demandatua: Bintu Koroma Korima.

Gaia: dibortzioa.

Judizio horretan, epaia eman da 2017-07-20an. Hona hemen idazpurua eta epaitza:

130/2017 EPAIA

Epailea: Nuria Ballve Botas.

Lekua: Durango (Bizkaia).

Eguna: bi mila eta hamazazpiko uztailaren hogeia.

Alderdi demandatzailea: Enoch Alex Takye Bonney.

Abokatua: Juan Carlos Perez.

Prokuradorea: Nuria Vega Suarez.

Alderdi demandatua: Bintu Koroma Korima.

Abokatua.

Prokuradorea.

Judizioaren xedea: gurasoen eta seme-alaben arteko harremanak.

EPAITZA

Osorik baiesten dut Enoch Alex Takye Bonneyen ordezkari prozesalak aurkeztutako demanda, Bintu Koroma Korinaren aurkakoa, eta hau erabakitzen dut:

1.– XXXXX adingabeko alabaren zaintza eta jagoletza aitari esleitzen zaizkio, eta guraso-ahala guraso biek partekatuko dute.

2.– Jagoletza ez daukan gurasoentzako bisita-araubidea ezartzen da, zeinaren arabera jagoletzarik gabeko gurasoak eskubidea izango baitu hilean behin asteburu batean zehar alabarekin egoteko, betiere hilean hirugarrenean, eta amak berak hartu eta eman beharko du alaba aitaren etxetik, ostiralean eskolatik ateratzen denetik igandeko 20ak arte.

Gabonetako, Aste Santuko eta udako oporrak (udatzat abuztuko baino ez da hartuko) erdibana banatuko da. Adingabekoa aitaren etxetik hartu eta eman beharko da. Ados jarri ezean, urte bikoitietan amak hautatuko du, eta, bakoitietan, aitak.

3.– Bintu Koroma Korinak 150 euroko mantenu-pentsioa ordaindu beharko du, demandatzaileak horretarako adierazitako kontuan, hileko lehen bost egunen barruan; zenbateko hori urtero eguneratu ahal izango da, urte bakoitzeko urtarrilaren batean, Estatistika Institutu Nazionalak urtero argitaratutako Kontsumoko Prezioen Indizeak dituen aldaketekin bat.

Aurrekoaz gain, eta aparteko gastuei dagokienez, halakotzat hartuko dira salbuespenez sortutakoak izanik ohiko kontribuzio gisa hartu behar ez direnak; eta, bereaz, honako hauek sartzen dira: gizarte-segurantzak edo dagokion mutuak estaltzen ez dituen medikuak edo, estali gabe egonik, oso garestiak direnak, tratamendu psikikoak, aparatuak (lentillak, betaurrekoak, ortodontzia...) eta dagozkion mediku-sariak. Horiek erdibana ordainduko dituzte bi gurasoek, eta zaintza duenak agiri bidez justifikatu beharko du beharrezkoak direla eta zein den haien zenbatekoa eta, desadostasuna badago, onarpen judiziala eskatuko da.

Ez da berariaz kosturik ezartzen prozedura honetan.

Ebazpen hau irmoa denean, bidal bedi exhortoa Erregistro Zibilera, lekukotzarekin batera, behar bezala inskriba dadin.

Jakinaraz bekie ebazpen hau alderdiei.

Bintu Koroma Korima demandatuaren egungo helbidea ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Durango (Bizkaia), 2017ko uztailaren 20a.

JUSTIZIA ADMINISTRAZIOAREN LETRADUA.

Azterketa dokumentala