Euskal Herriko Agintaritzaren Aldizkaria

154. zk., 2017ko abuztuaren 14a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

4077

EDIKTUA, guraso-ahalari buruzko 218/2014 prozedura arruntaren ondoriozkoa.

JAKINARAZPEN-ZEDULA

Barakaldoko Lehen Auzialdiko 5 zenbakiko Epaitegian (Bizkaia), 218/2014 prozedura arrunta bideratu da, Aitziber Avila Blancok eskatuta, Enrique Rueda Cajigasen aurka, guraso-ahala ken dakion. Prozedura horren gainean, epaia eman da eta hona hemen idazpurua eta epaitza:

541/2016 EPAIA

Epailea: Ana Isabel Viaña Ranilla andrea.

Lekua: Barakaldo (Bizkaia).

Eguna: bi mila eta hamaseiko irailaren hogeita hamarra.

Alderdi demandatzailea: A.V.B.

Abokatua: Ana Maria Usandizaga Camats.

Prokuradorea: Ana Teresa Rodriguez Fernandez.

Alderdi demandatua: Enrique Rueda Cajigas.

Abokatua.

Prokuradorea.

Judizioaren gaia: guraso-ahala.

EPAITZA

Osorik baiesten dut A.A.B. andreak aurkeztu duen demanda, Enrique Rueda Cajigas jaunaren aurkakoa. Horrenbestez, demandatuaren guraso-ahala eta horri lotutako gainerako eskubideak kentzea dekretatzen dut XXXXX alaba adingabeari dagokionez. Nolanahi ere, guraso-ahala berreskuratzerik izango du neurri horren kausa bertan behera geratzen bada. Demandatua hau onartu eta betetzera kondenatzen dut.

Jakinaraz bekie ebazpen hau DIFBko gizarte-zerbitzuei, amaren inguruneko kasua kontrolatu eta jarraipena egin dezaten.

Auzialdi honetan sortutako kostuak ez dira berariaz ezarriko.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: ........... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».

Eta epai honen bidez erabaki, agindu eta sinatzen dut.

Demandatuari behar bezala jakinarazteko eman eta sinatzen dut ediktu hau, Barakaldon (Bizkaia), bi mila eta hamazazpiko uztailaren hamahiruan.

JUSTIZIA ADMINISTRAZIOAREN LETRADUA

Azterketa dokumentala