Euskal Herriko Agintaritzaren Aldizkaria

152. zk., 2017ko abuztuaren 10a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 4 ZENBAKIKO ZUZENEKO LAGUNTZA EMATEKO UNITATE PROZESALA

4046

EDIKTUA, ezkontzaz kanpoko seme-alabentzako neurrietarako 83/2017 prozeduraren ondoriozkoa.

JAKINARAZPEN-ZEDULA

Durangoko (Bizkaia) Lehen Auzialdiko 4 zenbakiko Epaitegian, ezkontzaz kanpoko seme-alabentzako neurriei buruzko 83/2017 prozedura bideratu da, Lea Bacol Eder-ek eskatuta Aner Garcia Zubiaur-en aurka. Prozedura horren gainean epaia eman da. Hona hemen idazpurua eta epaitza:

97/2017 EPAIA

Epailea: Veronica Ponte Garcia.

Lekua: Durango (Bizkaia).

Eguna: bi mila eta hamazazpiko uztailaren bosta.

Alderdi demandatzailea: Lea Bacol Eder.

Abokatua: Iñigo Peligros Mendiola.

Prokuradorea: Maria Pilar Unibaso Gomez.

Alderdi demandatua: Aner Garcia Zubiaur.

Abokatua.

Prokuradorea.

Judizioaren gaia: zaintza eta jagoletza, bisita-araubidea eta mantenua zehazteko demanda.

Veronica Ponte Garciak, Durangoko eta bere barruti judizialeko Lehen Auzialdiko eta Instrukzioko 4 zenbakiko Epaitegiko epailea den aldetik, guraso eta seme-alaben arteko neurriei buruzko auto hauek ikusi eta entzun ditu. Autoak epaitegi honetan bideratu dira, 83/2017 zenbakiarekin, Lea Bacol Eder-ek eskatuta, auzitegietako prokuradore Pilar Unibasok ordezkatuta eta Iñigo Peligros Mendiola letraduak lagunduta, auzi-ihesean dagoen Aner Garcia Zubiaur-en aurka. Horrenbestez, bidezkoa da ebazpen hau ematea:

EPAITZA

Baietsi egiten dut Lea Bacol Eder-en ordezkaritzak aurkeztutako demanda Aner Garcia Zubiaur-en aurka. Ondorioz, adingabeei buruzko behin betiko neurri hauek erabakitzen ditut:

1.– Behin-behinean, Lea Bacol Eder amari esleitzen diot seme-alaba adingabeen zaintza; eta adingabeen gaineko guraso-ahala, berriz, baterakoa eta partekatua izango da.

2.– Bien seme-alaben eta jagoletza ez duen gurasoaren artean bisita, egonaldi eta komunikazio araubide bat ezarriko da, gurasoak ez direlako ados jarri. Hona hemen araubide horren xehetasunak:

Aitaren aldeko bisita-araubidea eten egingo da Hego Amerikan dagoen bitartean, araubide horretaz baliatu badaiteke.

Espainian bizi bada, bisita jakin batzuk egiteko eskubidea izango du: astearteak eta ostegunak 17:00etatik 20:00etara, eta asteburu bitik bat ostiraleko 17:00etan hasi eta igandeko 20:00etan amaituta. Amaren etxean hartuko ditu seme-alabak, eta gero bertan utziko ditu. Oporren erdia eta zubi alternatiboak.

3.– Jagoletza ez duen gurasoak, kasu honetan aitak, seme-alaba komunentzako mantenu-pentsioa dela-eta, hilean ehun eta berrogeita hamar (150) euro ordaindu beharko ditu seme-alaba bakoitzeko. Urteko hamabi hilabeteetan egingo du ordainketa. Zenbateko hori amak izendaturiko kontu korrontean edo aurrezki-libretan sartu beharko du, aurreratuta, hil bakoitzeko lehenengo bost egunen barruan.

Ordaindu beharreko diru-kopuru hori urtero eguneratuko da, eta urtarrileko lehenengo egunetik izango ditu ondorioak, Estatistikako Institutu Nazionalak edo hori ordezkatzen duen erakundeak argitaratutako kontsumoko prezioen indizearen aldaketen arabera.

4.- Aparteko gastuak: guraso bakoitzak semearen bizitzan gertatzen diren aparteko gastuen % 50 ordainduko ditu; alderdiek adostu beharko dute gastu horiek beharrezkoak eta egokiak direla, premiazko kasuetan izan ezik.

Alderdiei ez zaie kosturik ezartzen; bakoitzak berak sortutako kostuak ordainduko ditu, eta gastu komunak erdibana ordainduko dituzte.

Jakinaraz bekie ebazpen hau Fiskaltzari eta alderdiei, eta ohartarazi honen aurka apelazio-errekurtsoa aurkez daitekeela, Probintzia Auzitegiari zuzenduta. Errekurtsoa aurkezteko, idazkia aurkeztu behar da epaitegi honetan bost eguneko epean, jakinarazpena egin eta hurrengo egunetik aurrera.

Honela, epai honen bitartez, behin betiko epaituaz, eman, agindu eta sinatu egiten dut, Durangoko Lehen Auzialdiko eta Instrukzioko 4 zenbakiko Epaitegiko eta bere barruti judizialeko epaile Veronica Ponte Garciak.

Argitalpena: sinatzen duen epaileak irakurri eta argitaratu zuen aurreko epaia; eta nik, idazkaria naizen aldetik, horren fede ematen dut.

Eta Aner Garcia Zubiaur demandatuari behar bezalako jakinarazpena egiteko balio dezan, ematen eta sinatzen dut ediktu hau, Durangon (Bizkaia), bi mila eta hamazazpiko uztailaren seian.

JUSTIZIA ADMINISTRAZIOAREN LETRADUA.

Azterketa dokumentala