Euskal Herriko Agintaritzaren Aldizkaria

149. zk., 2017ko abuztuaren 7a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA

3981

EDIKTUA, ezkontzaz kanpoko seme-alabentzako neurrietarako 306/2016 prozeduraren ondoriozkoa.

JAKINARAZPEN-ZEDULA

Durangoko (Bizkaia) Lehen Auzialdiko 2 zenbakiko Epaitegian, ezkontzaz kanpoko seme-alabentzako neurriei buruzko 306/2016 prozedura bideratu da, Florencia Ticona Arcangelek eskatuta Encarnacion Terceros Aguilarren aurka. Prozedura horren gainean epaia eman da. Hona hemen idazpurua eta epaitza:

44/2017 EPAIA

Epailea: Julio Luis Gallego Martinez jauna.

Lekua: Durango (Bizkaia).

Eguna: bi mila eta hamazazpiko martxoaren bederatzia.

Alderdi demandatzailea: Florencia Ticona Arcangel andrea.

Abokatua: Aida Garazi Arraibi Larrea andrea.

Prokuradorea: Maria Begoña Jauregui Larrinaga andrea.

Alderdi demandatua: Encarnacion Terceros Aguilar jauna.

Abokatua.

Prokuradorea.

Judizioaren helburua: ezkontzaz kanpoko seme-alabentzako neurriak.

Durango, bi mila eta hamazazpiko martxoaren zazpia.

Julio Luis Gallego Martínez jaunak, Durangoko Lehen Auzialdiko eta Instrukzioko 2 zenbakiko Epaitegiko epaileak, ezkontzaz kanpoko seme-alabentzako neurriei buruz bideratu diren 306/2017 autoak ikusi ditu. Autoak bideratu dira Florencia Ticona Arcángel andreak eskatuta –Jauregui Larrinaga epaitegietako prokuradoreak ordezkatu du, eta Arraibi Larrea letraduak lagundu–, Encarnación Terceros Aguilar jaunaren aurka, zeina auzi-ihesean baitago.

EPAITZA

Osorik baiesten dut Florencia Ticona Arcángel andrearen prozesu-ordezkaritzak Encarnación Terceros Aguilar jaunaren aurka formulatutako demanda.

1.– XXXXXX adingabearen zaintza eta jagoletza eta gursaso-ahala amari ematea.

2.– Encarnación Terceros Aguilar jaunak 100 euroko mantenu-pentsioa ordaindu beharko du, demandatzaileak adierazitako kontuan, hileko lehen bost egunen barruan; zenbateko hori urtero eguneratu ahal izango da, urte bakoitzeko urtarrilaren batean, Estatistika Institutu Nazionalak urtero argitaratutako Kontsumoko Prezioen Indizeak dituen aldaketekin bat etorriz.

Aurrekoaz gain, eta aparteko gastuei dagokienez, halakotzat hartuko dira salbuespenez sortutakoak izanik ohiko kontribuzio gisa hartu behar ez direnak; eta, bereaz, honako hauek sartzen dira: gizarte-segurantzak edo dagokion mutuak estaltzen ez dituen medikuak edo, estali gabe egonik, oso garestiak direnak, tratamendu psikikoak, aparatuak (lentillak, betaurrekoak, ortodontzia) eta dagozkion mediku-sariak. Horiek erdibana ordainduko dituzte bi gurasoek, eta zaintza duenak agiri bidez justifikatu beharko du beharrezkoak direla eta zein den haien zenbatekoa eta, desadostasuna badago, onarpen judiziala eskatuko da.

Ez da berariaz kosturik ezartzen prozedura honetan.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, egin ezean, ez da errekurtsoa izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 476200000003616 Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».

Eta epai honen bidez erabaki, agindu eta sinatzen dut.

Argitalpena: Epaiari dagokion egunean, jendaurreko entzunaldia egiten ari zelarik, epaia eman zuen epaile berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Durangon (Bizkaia), bi mila eta hamazazpiko martxoaren bederatzian.

Encarnación Terceros Aguilar demandatuari behar bezalako jakinarazpena egiteko balio dezan ematen eta sinatzen dut ediktu hau, Durangon (Bizkaia), bi mila eta hamazazpiko uztailaren bostean.

JUSTIZIA ADMINISTRAZIOAREN LETRADUA.

Azterketa dokumentala