Euskal Herriko Agintaritzaren Aldizkaria

138. zk., 2017ko uztailaren 20a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

TOLOSAKO LEHEN AUZIALDIKO ETA INSTRUKZIOKO 4 ZENBAKIKO ZUZENEKO LAGUNTZA EMATEKO UNITATE PROZESALA

3690

EDIKTUA, ezkontzaz kanpoko seme-alabentzako neurrietarako 169/2016 prozeduraren ondoriozkoa.

JAKINARAZPEN-ZEDULA

Tolosako (Gipuzkoa) Lehen Auzialdiko 4 zenbakiko Epaitegian, ezkontzaz kanpoko seme-alabentzako neurrietarako 169/2016 prozedura bideratu da, Abieyuwa Juliet Jeremaih-k eskatuta Jonathan Ovbiebo-ren aurka, guraso eta seme-alaben arteko neurriei buruz. Prozedura horren gainean epaia eman da. Hona hemen idazpurua eta epaitza:

18/2017 EPAIA

Epailea: Alba Maria Perez Bustos Manzaneque.

Lekua: Tolosa (Gipuzkoa).

Eguna: bi mila eta hamazazpiko otsailaren hogeita hirua.

Alderdi demandatzailea: Abieyuwa Juliet Jeremaih.

Abokatua: Ana Isabel Lopez Casarrubios.

Prokuradorea: Fernando Castro Mocoroa.

Alderdi demandatua: Jonathan Ovbiebo.

Abokatua.

Prokuradorea.

Judizioaren gaia: guraso eta seme-alaben arteko neurriak ezartzeko demanda.

XEDAPENAK

Baiesten dut Abieyuwa Juliet Jermaih-ren prozesuko ordezkaritzak aurkeztutako demanda, Jonathan Ovbiebo. Horrenbestez, neurri hauek hartzen ditut:

1.– Abieyuwa andreari ematen diot XXXXX eta XXXXX seme-alab adingabeen zaintza eta jagoletza. Guraso-ahala, berriz, biena izango da, baina amak bakarrik erabili ahal izango du, eta jagoletzarik ez duen gurasoaren aldeko bisita-erregimena bertan behera uzten da. Baldin eta seme-alabekiko komunikazioa berrezarriko balu demandatuak, hau litzateke bisita-erregimena: hilean asteburua batean, larunbat arratsaldea eta igande arratsaldea, familia-elkargunean.

2.– Adingabeentzako elikagai-pentsioari dagokienez, aitak, hamabi hilabetez, laurehun euro berrehun haietako bakoitzarentzat) ordainduko ditu hilean, aurreratuta, hilabete bakoitzaren lehenengo bost egunetan, demandatzaileak adierazten duen banku-kontuan. Diru-kopuru hori urtero eguneratuko da, urtarrilaren bateko ondorioekin, 2018ko urtarrilean hasita, Estatistikako Institutu Nazionalak edo hori ordezkatzen duen erakundeak argitaratutako Kontsumoko Prezioen Indizearen arabera.

Bi gurasoek erdibana ordainduko dituzte adingabearen ezohiko gastuak, alderdiak aldez aurretik ados jarrita; eta adostasunik ez badago, baimen judiziala beharko da.

Prozesuko kostuei buruz ez da erabakirik hartu.

Ebazpen honen aurka apelazio-errekurtsoa jar daiteke Gipuzkoako Probintzia Auzitegian, PZLb-ren 455.1 artikuluan ezarritakoarekin bat etorriz.

Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da:........... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta Jonathan Ovbiebo demandatuari behar bezalako jakinarazpena egiteko balio dezan ematen eta sinatzen dut ediktu hau, Tolosan (Gipuzkoa), bi mila eta hamazazpiko ekainaren hamahiruan.

JUSTIZIA ADMINISTRAZIOAREN LETRADUA.

Azterketa dokumentala