Euskal Herriko Agintaritzaren Aldizkaria

138. zk., 2017ko uztailaren 20a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

LEHENDAKARITZA

3683

20/2017 DEKRETUA, uztailaren 17koa, lehendakariarena, Euskal Gizataldeekiko Harremanetarako Aholku Batzordeko kide bat aldatzeko dena.

Lehendakariaren otsailaren 23ko 6/2017 Dekretuaren bitartez, Euskal Gizataldeekiko Harremanetarako Aholku Batzordeko kideak izendatu ziren. Kide horiek batzordean ordezkatuta dauden erakundeek aldez aurretik aukeratu zituzten.

Lan eta Justizia Sailak beste kide bat aukeratu du, orduan izendatutako kidea ordezkatzeko; beraz, bidezkoa da beste kide hori izendatzea ordezkatuari geratzen zaion agintaldirako. Horregatik guztiarengatik, euskal gizataldeekiko harremanetarako organoak arautzen dituen apirilaren 11ko 234/1995 Dekretuaren 7. artikuluan ezarritakoaren arabera, hauxe

XEDATZEN DUT:

Lehenengo artikulua.– Jon Azkue Manterola jauna izendatzea Lan eta Justizia Saileko lan eta gizarte-segurantza arloaren ordezkari, Elena Pérez Barredo andrea ordezkatzeko.

Bigarren artikulua.– Dekretu honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.

Vitoria-Gasteizen, 2017ko uztailaren 17an.

Lehendakaria,

IÑIGO URKULLU RENTERIA.

Azterketa dokumentala