Euskal Herriko Agintaritzaren Aldizkaria

132. zk., 2017ko uztailaren 12a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN ETA AZPIEGITURA SAILA

3502

EBAZPENA, 2017ko ekainaren 19koa, Nekazaritza eta Abeltzaintzako zuzendariarena, artzain txakurren 2017ko lehiaketa ofizialak finkatzekoa.

Artzain txakurren inguruan lehiaketa eta bestelako gertakizunak antolatzen dituzten elkarteen erregistroa sortu, eta lehiaketa nahiz gertakizun ofizialak aintzatesten dituen Nekazaritza eta Arrantzako sailburuaren 1999ko abuztuaren 16ko Aginduaren (1999ko abuztuaren 30eko EHAA, 165. zenbakia) 2. artikuluak xedatutakoarekin bat, eta aginduan eskatutakoak beteta, honako hau

EBAZTEN DUT:

Lehenengoa.– Artzain txakurren lehiaketa ofizialak finkatzea 2017ko, ebazpen honi atxikitako eranskinean azaltzen den moduan.

Bigarrena.– Aurkeztu ahal izango dituzte bertako arrazen aleak, euskal artzain txakurrak eta gure artaldeekin betidanik lan egin duten beste motata batzuetako txakurrak.

Hirugarrena.– Ebazpen honen aurka, interesdunek gora jotzeko errekurtsoa aurkez diezaiokete Nekazaritza, Arrantza eta Elikadura Politikako sailburuordeari, hilabeteko epean, ebazpena Euskal Herriko Agintaritzaren Aldizkarian argitaratu eta biharamunetik hasita.

Vitoria-Gasteiz, 2017ko ekainaren 19a.

Nekazaritza eta Abeltzaintzako zuzendaria,

IKERNE ZULUAGA ZAMALLOA.

(Ikus .PDF)

Azterketa dokumentala