Euskal Herriko Agintaritzaren Aldizkaria

125. zk., 2017ko uztailaren 3a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GERNIKA-LUMOKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

3359

EDIKTUA, ezkontzaz kanpoko seme-alabentzako neurrietarako 236/2016 prozeduraren ondoriozkoa.

JAKINARAZPEN-ZEDULA

Gernika-Lumoko Lehen Auzialdiko 1 zenbakiko Epaitegian (Bizkaia), ezkontzaz kanpoko seme-alabentzako neurrietarako 236/2016 prozedura bideratu da, Jenifer Gonzalez Traversok eskatuta, Jose Antonio Carrillo Cerroren aurka, guraso eta seme-alaben arteko neurriei buruz. Prozedura horretan, epaia eman da. Hona hemen idazpurua eta epaitza, kopiatuta:

Ezkontzaz kanpoko seme-alabentzako neurriak (236/2016).

72/2017 EPAIA

Epailea: Vanessa Molinero Gonzalez andrea.

Lekua: Gernika-Lumo (Bizkaia).

Data: bi mila eta hamazazpiko maiatzaren hogeita hamaika.

Alderdi demandatzailea: Jenifer Gonzalez Traverso.

Abokatua: Francisco Javier Santos Alvaro.

Prokuradorea: Miren Irune Gorroño Menchaca.

Alderdi demandatua: Jose Antonio Carrillo Cerro.

Abokatua.

Prokuradorea.

Judizioaren gaia: gurasoen eta seme-alaben arteko neurriak hartzea.

EPAITZA

Baietsi egiten dut epaitegietako prokuradore Gorroño Mentxaca andreak Jennifer González Traversoren izenean eta hura ordezkatuz aurkeztutako demanda, eta, beraz, biek batera daukaten alabari dagokionez alderdiek bete beharreko guraso eta seme-alaben arteko neurri hauek ezartzen ditut:

– Amari esleitzen zaizkio alaba adingabekoaren zaintza eta jagoletza; guraso-ahala, berriz, aitarekin konpartituko du.

– Alabarentzat ez da egonaldi-, komunikazio- eta bisita-erregimenik ezartzen aitarekin, José Antonio Carrillo Cerrorekin.

– Alabarentzako ohiko mantenu-pentsioa dela eta, José Antonio Carrillo Cerro jaunak, hilero, hilabete bakoitzaren lehenengo bost egunen barruan, 200,00 euro ordainduko ditu, xede horretarako amak adierazten duen banku-kontuan diru-sarrera eginez.

Kopuru hori berrikusi egingo da urte bakoitzaren urtarrilaren 1ean, aurreko urtean Kontsumorako Prezioen Indizean (KPI) izandako aldakuntzen arabera; kopuru hori eguneratzeko ez da beharrezkoa izango amak hori eskatzea, eta urteroko eguneratzeak egiteko erreferentziako hilabetea izango da ebazpen hau ematen den hilabetea. Lehenengo errebalorizazioa 2018ko urtarrilaren batean egingo da, eta aurreko urteko KPI hartuko da erreferentziatzat.

Guraso bakoitzak adingabeak izan ditzakeen ezohiko gastuen % 50 hartuko du bere gain; esate baterako, gurasoek langile izateagatik daukaten aseguru-erregimenean sartzen ez diren gastu medikoak (dentistak, ortodontistak, okulistak, psikologoak, etab.). Ezohiko gastutzat hartuko dira, halaber, opor-sasoiko ikastaroak (matrikula, joan-etorriak eta mantenua). Ezohiko gastu guztiak bi gurasoek erabaki beharko dituzte; dena dela, gastu horiek adingabearen osasuna eta/edo prestakuntza kontuan hartuta egingo dira.

Prozesuko kostuak ez zaizkio inori ezartzen.

Inpugnatzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen gordailuan eta zainpean uzteko kontuan (0). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta Jose Antonio Carrillo Cerro demandatuari behar bezalako jakinarazpena egiteko balio dezan, ematen eta sinatzen dut hau, Gernika-Lumon (Bizkaia), bi mila eta hamazazpiko ekainaren bostean.

JUSTIZIA ADMINISTRAZIOAREN LETRADUA.

Azterketa dokumentala