Euskal Herriko Agintaritzaren Aldizkaria

123. zk., 2017ko ekainaren 29a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

OSAKIDETZA-EUSKAL OSASUN ZERBITZUA

3310

IRAGARKIA, Osakidetza-Euskal osasun zerbitzuarena, espediente honen lizitazio-prozedura irekiari buruzkoa: «Zuia-Murgiako osasun-zentro berria eraikitzeko obra, zeinak honako atal hauek hartzen baititu: oinarrizko proiektua eta exekuzio-proiektua idaztea, segurtasun-azterlana, kalitate-kontrolaren programa, segurtasun-planaren onarpena, segurtasunaren koordinazioa, obra-zuzendaritza eta obra burutzeko zuzendaritza».

1.– Erakunde esleitzailea. Datu orokorrak eta informazioa eskuratzeko datuak.

a) Erakundea: Osakidetza-Euskal osasun zerbitzua, Osasun Sailari atxikitako Ente Publikoa, Zuzendaritza Nagusia, Araba kalea, 45 – 01006, Vitoria-Gasteiz (Araba). Posta elektronikoa: contrata@osakidetza.eus. Kontratatzailearen profilaren Interneteko helbidea: www.osakidetza.euskadi.eus

b) Espedientea izapidetzen duen bulegoa: Zuzendaritza Nagusia – Erosketa, Obra eta Zerbitzu Estrategikoen Zuzendariordetza.

c) Informazioa eta dokumentuak eskuratzea: Zuzendaritza Nagusia, Araba kalea 45, 01006 Vitoria-Gasteiz (Araba).

d) Espediente zenbakia: G/300/20/0/1223/O101/0000/062017.

2.– Kontratuaren xedea.

a) Mota: zerbitzuak.

b) Deskribapena: Zuia-Murgiako osasun-zentro berria eraikitzeko obra, zeinak honako atal hauek hartzen baititu: oinarrizko proiektua eta exekuzio-proiektua idaztea, segurtasun-azterlana, kalitate-kontrolaren programa, segurtasun-planaren onarpena, segurtasunaren koordinazioa, obra-zuzendaritza eta obra burutzeko zuzendaritza.

c) Loteka banatzea eta kopurua: ez.

d) Gauzatu eta entregatzeko lekua: Erakunde zentrala.

e) Gauzatu eta entregatzeko epea:

Proiektua idaztea:

Oinarrizko proiektua: hilabete 1.

Exekuzio-proiektua: 2 hilabete.

Obra-zuzendaritzako eta obra burutzeko zuzendaritzako lanen iraupena obraren iraupenaren epearekin bat etorriko da; hori 12 hilabete ingurukoa izango da.

f) Luzatzeko aukera: bai.

g) Esparru-akordio bat ezartzea (hala dagokionean): ez.

h) CPV (nomenklatura erreferentzia): 71200000-0.

3.– Izapideak eta prozedura.

a) Izapidetzea: ohikoa.

b) Prozedura: irekia.

c) Esleitzeko irizpideak: administrazio klausula partikularren pleguko karatulan ezarritakoaren arabera:

c.1.– Balio-judizioetan oinarritutako irizpideak: aurretiko azterlanaren kalitatea: 49 puntu.

c.1.1.– Beharren programaren konponbidea (plan funtzionalaren betearazpena, dimentsionamendu egokia, espazioaren funtzionalitatea, zirkulazio-fluxuak, irisgarritasuna, eraginen murrizketa), irudia eta inpaktu bisuala eta akaberen definizioa: 29 puntu.

Arkitekturako proposamena baloratzeko aukera ematen duen dokumentazio grafikoa aurkeztu beharko da. Hala ez balitz, baztertuko litzateke.

Banaketako hasierako aurreikuspen bat bideragarri gisa erantsi ondoren, hasierako aurreikuspenak hobetu edo optimizatzen duten banaketa guztiak baloratuko dira.

c.1.2.– Energia aurrezteko eta efizientea izateko fasean sartu beharreko neurrien azterlana, Euskal Autonomia Erkidegoaren sektore publikoaren jasangarritasun energetikoari buruzko irailaren 22ko 178/2015 Dekretua betetzeko; proposatutako neurri ezberdinak zehaztea, horiek teknikoki eta ekonomikoki bideragarriak direla justifikatuz: 10 puntu.

c.1.3.– Zuzendaritza fakultatiboak obra gauzatzen den bitartean desbideratze ekonomikoak izatea ekiditeko hartu behar dituen neurrien eta funtzioen analisia: 10 puntu.

c.2.– -Formuletan oinarritutako irizpideak: 51 puntu.

c.2.1.– Eskaintza ekonomikoa: 51 puntu.

4.– Kontratuaren balio zenbatetsia: 105.000,00 euro, BEZa kanpo.

5.– Lizitaziorako oinarrizko aurrekontua: 88.049,32 euro, BEZa kanpo.

6.– Eskatzen diren bermeak: behin betiko bermea: esleipen-zenbatekoaren % 5.

7.– Kontratistaren berariazko betekizunak.

a) Sailkapena: ez dagokio.

b) Kaudimen finantzarioa eta ekonomikoa eta kaudimen tekniko edo profesionala enpresa espainiarrentzat, Europar Batasunaren kide diren estatuetako enpresa atzerritarrentzat eta Europar Batasunaren kide ez diren estatuetako enpresa atzerritarrentzat:

b.1.– Kaudimen ekonomikoa eta finantzarioa:

b.1.1.– Betekizunak: enpresa lizitatzaileek bukatutako azken 3 urteetan negozio-bolumenik altuena izan duten urteko negozio-bolumena ziurtatu beharko dute, eta, bolumen hori, gutxienez, urtekotutako lizitazioko oinarrizko aurrekontuaren zenbatekoari (BEZa kanpo) dagokiona izan beharko da.

b.1.2.– Agiriak eta/edo ziurtagiriak: urteko negozio-bolumena (zenbatekoa) ziurtatzeko, Merkataritza Erregistroan jasotako eta onartutako urteko kontuak aurkeztu beharko dira, enpresaria erregistro horretan inskribatuta badago, eta bestela, kasuan kasu dagokion erregistro ofizialean jasotakoak aurkeztu beharko dira. Merkataritzako Erregistroan inskribatuta ez dauden enpresari indibidualek haien urteko negozio-bolumena egiaztatuko dute haien inbentarioen eta urteko kontuen liburuekin, Merkataritzako Erregistroak horiek legeztatu ondoren.

b.2.– Kaudimen teknikoa edo profesionala:

b.2.1.– Betekizunak: enpresa lizitatzaileek azken 5 urteetan kontratuaren xede direnen antzekoak diren edo pareko ezaugarriak dituzten lanak egin izana ziurtatu beharko dute, eta urteko zenbateko metatua lizitazioko oinarrizko aurrekontuaren zenbatekoaren parekoa edo handiagoa izan beharko da (BEZa kanpo).

b.2.2.– Agiriak eta/edo ziurtagiriak: interesdunak azken bost urteetan gauzatu dituen eta lizitazio-kontratu honetakoen berdinak edo antzekoak izan diren zerbitzu nagusien zerrenda, horien zenbatekoa, datak eta hartzaile publiko edo pribatuak adieraziz. Hartzailea sektore publikoko erakunde bat bada, organo eskudunak bisatutako edo egiaztatutako agirien bitartez ziurtatu beharko dira egindako zerbitzuak; hartzailea arlo pribatuko eroslea bada, horrek emandako ziurtagirien bidez, eta halakorik ez bada, enpresaburuaren aitorpenaren bidez.

8.– Eskaintzak edo parte hartzeko eskabideak aurkezteko era.

a) Aurkezteko azken eguna: 2017ko uztailaren 17a, 13:00etan.

b) Aurkezteko modalitatea: administrazio klausula partikularren pleguan adierazitakoa.

c) Aurkezteko lekua: ikusi 1.a puntua.

d) Prozedura mugatua izanez gero eskaintzak aurkezteko deia egingo zaien enpresen kopurua: ez dagokio.

e) Aldaerak onartzea: ez.

f) Lizitatzaileak eskaintzari eutsi behar dion epea: 2 hilabete, eskaintza ekonomikoaren gutun-azala irekitzen denetik zenbatzen hasita; hamabost egun baliodun gehiago luzatu ahal izango da epe hori, SPKLTBaren 152.3 artikuluak aipatzen dituen izapideak egin beharra badago (balio anormal edo neurrigabeak).

9.– Eskaintzak irekitzea.

a) Eskaintzak irekitzea, balio-judizioa egiteari lotutako irizpideei dagokienez: Erakundea: Zuzendaritza Nagusia, Araba kalea 45, 01006 Vitoria-Gasteiz (Araba). Data: 2017ko uztailaren 24an, 12:45ean.

b) Aplikatzeko formulak kalkulatzea eskatzen duten irizpideen gutun-azala irekitzea: Erakundea: Zuzendaritza Nagusia, Araba kalea 45, 01006 Vitoria-Gasteiz (Araba). Data: 2017ko abuztuaren 7an, 12:00etan.

10.– Publizitate gastuak: esleipendunaren kontura (466,14 euro).

11.– Iragarkia Europar Batasunaren Aldizkari Ofizialera bidali den eguna (halakorik bada): ez dagokio.

12.– Beste argibide batzuk: pleguetan jasota daude. Deialdiari buruzko argibideak lortzeko edo pleguak eskuratzeko web orria: www.osakidetza.euskadi.eus

Vitoria-Gasteiz, 2017ko ekainaren 19a.

Kontratazio Mahaiko ordezko presidentea,

CAROLINA ORTEGA ORTEGA.

Azterketa dokumentala