Euskal Herriko Agintaritzaren Aldizkaria

123. zk., 2017ko ekainaren 29a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

EIBARKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

3307

EDIKTUA, behin betiko neurriak aldatzeari buruzko 17/2016 prozeduraren ondoriozkoa.

Eibarko Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.

Judizioa: behin betiko neurriak aldatzea. 17/2016.

Demandatzailea: Mioara Gina Nedelcu.

Abokatua: Mireia Arginzoniz Garitaonaindia.

Prokuradorea: Josefina Llorente Lopez.

Demandatua: Ionel Nedelcu.

Gaia: ezkontzaz kanpoko seme-alabentzako neurriak.

Aipatutako judizioan, 147 Epaia eman da 2016-12-12an, eta honela dio xedapen-zatiak:

Baiesten dut Llorente prokuradoreak Mioara Gina Nedelcu ordezkatuz Ionel Nedelcuren aurka jarri duen demanda, eta beraz, erabaki dut Galati (Rumania) probintziako Targu Bujorreko Epaitegiak 1603/316/2012 prozeduran 2012ko abenduaren 20an emandako 1564 Epaian erabakitako behin betiko neurriak aldatzea, ebazpen honen datatik aurrerako ondorioekin. Epaitegi honek 211/2014 exequatur prozeduran 2015eko martxoaren 6an emandako 29/2015 autoaren bidez aitortu zen 1603/316/2012 prozeduraren efikazia Espainian. Aldaketok jarraian adierazten dira.

Hau dioenean:

«Adingabeen gaineko guraso-ahala –XXXXX, 1999-09-08an jaioa eta XXXXX, 2005-10-06an jaioa– bi gurasoek partekatuko dute.

XXXXX eta XXXXX adingabeen bizilekua demandatzailearen bizilekua izango da.

Onartzen du demandatuak harreman pertsonalak izatea adingabeekin, urtean behin, udako oporretan, haren bizilekuan.

Ezartzen du gurasoek gauzatan ordaintzea adingabeen mantenu-gastuak haiek adin-nagusitasunera iritsi arte.

Udako oporretan, bi gurasoen artean ordainduko dituzte adingabeak lekuz aldatzearen eta etxera itzultzearen gastuak, erdibana».

Hori ezabatu egingo da, eta horren ordez honako hau ezartzen da:

«Adingabeen gaineko guraso-ahala –XXXXX, 1999-09-08an jaioa eta XXXXX, 2005-10-06an jaioa– bi gurasoek partekatuko dute.

Mioara Gina Nedelcu amari esleitzen zaio bi seme-alaba adingabeen zaintza eta jagoletza.

XXXXX eta XXXXX adingabeen bizilekua demandatzailearen bizilekua izango da.

Aitak urtean astebetez ikusi ahalko ditu seme-alabak, betiere horrek ez badu adingabeen egonkortasun emozionala edo ohiko jarduera hausten; bisitaldia adingabeen bizitokiko herrian egingo zaie, eta ez du izango haiekin gaua igarotzeko eskubiderik. Baieztatu egin beharko da seme-alabek aitak bisita egin diezaien nahi dutela, eta ezingo ditu bisitatu haien onespenik gabe. Beraz, aitak gutxienez hilabete aurretik jakinarazi beharko die bisita egiteko nahia.

Aitak ezingo ditu seme-alabak Errumaniara eraman amaren berariazko baimenik gabe.

Aitak 75 euroko mantenu-pentsioa ordaindu beharko du seme-alaba bakoitzeko; zenbateko hori KPIren arabera eguneratu beharko da 2017. urtetik aurrera.

Ionel Nedelcu jaunak hilaren lehenengo bost egunetan sartu beharko du zenbateko hori Mioara Gina Nedelcu andreak horretarako izendatzen duen kontu korrontean, hilero eta aurreratuta.

Halaber, aitak seme-alaben aparteko gastuen % 50 ordaindu beharko du.

Seme-alabak adin-nagusitasunera iritsi eta ekonomiko independente diren arte egongo da mantenu-pentsioa ordaintzeko betebeharra.

Gainerako erabakiak aipatu dibortzio-epaian jasota dauden bezala geratzen dira.

Ez da berariazko erabakirik hartzen autoetan sortutako gastuak ordaintzeko.

Jakinaraz bekie ebazpen hau alderdiei eta Fiskaltzari.

Ionel Nedelcu demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Eibar (Gipuzkoa), 2017ko maiatzaren 25a.

JUSTIZIA ADMINISTRAZIOAREN LETRADUA.

Azterketa dokumentala