Euskal Herriko Agintaritzaren Aldizkaria

118. zk., 2017ko ekainaren 22a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 4 ZENBAKIKO EPAITEGIA

3140

EDIKTUA, 628/2016 prozedura arruntaren ondoriozkoa.

JAKINARAZPEN-ZEDULA

Judizio arruntean, Bilboko Lehen Auzialdiko 4 zenbakiko Epaitegian (Bizkaia), 628/2016 prozedura arrunta bideratu da, Aicha Ait Elalam Dinger-ek eskatuta, Teresa Freire Garciaren jaraunsleen aurka. Prozedura horretan, epaia eman da, zeinaren idazpurua eta epaitza honako hauek baitira:

78/2017 EPAIA

Epailea: Covadonga Gonzalez Rodriguez.

Lekua: Bilbao (Bizkaia).

Eguna: bi mila eta hamazazpiko martxoaren hogeita zortzia.

Alderdi demandatzailea: Aicha Ait Elalam Dinger.

Abokatua: Juan Carlos Pablo Otaola.

Prokuradorea: Sandra Perez Alba.

Alderdi demandatua: Teresa Freire Garciaren jaraunsleak.

Abokatua.

Prokuradorea.

Judizioko gaia: eskubide errealak.

EPAITZA

Ezesten dut Sandra Pérez Alba prokuradoreak Aicha Ait Elalam Dinger-en izenean eta ordezkaritzan jarritako demanda, Teresa Freire Garciaren jaraunsleen aurkakoa. Horregatik deklaratzen dut demanda hori ez dela bidezkoa eta alderdi demandatua absolbitu behar dela. Kostuak auzi-jartzaileari ezarriko zaizkio beren-beregi.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (4708 0000 04 0628 16). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta Teresa Freire Garciaren jaraunsleak demandatuari behar bezalako jakinarazpena egiteko, eman eta sinatzen dut ediktu hau, Bilbon (Bizkaia), bi mila eta hamazazpiko martxoaren hogeita zortzian.

JUSTIZIA ADMINISTRAZIOAREN LETRADUA.

Azterketa dokumentala