RSS
111. zk., 2017ko ekainaren 13a, asteartea
- Bestelako formatuak:
- PDF (192 KB - 1 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
URAREN EUSKAL AGENTZIA
2957
IRAGARKIA, zeinaren bidez jendaurrean jartzen baita «Urumea ibaiaren uholdeetatik babesteko proiektua, ekaitz-tanga eta ur beltzen ponpaketa-putzua Martutene auzoaren parean. 2. fasea» eta haren ingurumen-inpaktuaren azterketa.
Proiektuaren xedea da Urumea ibaiaren uholdeetatik babesteko obrak egitea Martuteneko zubiaren eta Lugareñeko zubiaren artean, GI-131 errepidean. Obrak ubidearen 490 m-ko luzera hartzen du, eta egungo ibai-ohea mantentzeko ahalegina egingo da, hura kaltetu gabe, zabalera handituz 0,0 kotatik aurrera. Behin-betiko zabalera 45 metro eta 50 metro artean egongo da.
Lan horiekin batera, beharrezkoa den euri-uren ekaitz-tangari dagozkionak egingo dira, eta, era berean, ur beltzen saneamendu-sare berri bat ere.
Proiektua ingurumen-inpaktuaren ebaluazioaren menpe dago, eta ebaluazio hori onartzeko organo eskuduna Uraren Euskal Agentziaren zuzendaria da.
Ingurumen-ebaluazioari buruzko abenduaren 9ko 21/2013 Legearen 36. artikuluarekin bat etorriz, ingurumen-inpaktuaren ebaluazioa behar duten proiektuak jendaurrean jarriko dira, ingurumen-inpaktuaren azterketarekin batera.
Horretarako, proiektua eta haren ingurumen-inpaktuaren azterketa jendaurrean jarriko dira hogeita hamar (30) eguneko epean, iragarki hau argitaratzen den egunaren biharamunetik aurrera kontatzen hasita, egoki iritzitako alegazioak aurkez daitezen.
Obra-proiektua eta ingurumen-inpaktuaren azterketa interesdunen eskura egongo dira Uraren Euskal Agentziaren egoitzan (Orio kalea 1-3, 01010 Vitoria-Gasteiz) eta haren webgunean (www.uragentzia.euskadi.eus).
Vitoria-Gasteiz, 2017ko maiatzaren 26a.
Uraren Euskal Agentziako zuzendari nagusia,
ERNESTO MARTINEZ DE CABREDO ARRIETA.
