Euskal Herriko Agintaritzaren Aldizkaria

109. zk., 2017ko ekainaren 9a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

OGASUN ETA EKONOMIA SAILA

2883

IRAGARKIA, Finantza Politikako eta Erakundeen Baliabideetako zuzendariaren urriaren 28ko 124/2016 Ebazpena jakinarazteko dena. Ebazpen horren bidez, «Bansabadell Previsión Empresas, EPSV de Empleo» erakundearen eraketa, txosten ekonomikoa eta estatutuak onartzen dira, baita Euskadiko Borondatezko Gizarte Aurreikuspeneko Erakundeen Erregistroan inskribatzea ere (283-G zenbakiarekin).

Borondatezko Gizarte Aurreikuspeneko Erakundeei buruzko otsailaren 23ko 5/2012 Legearen Erregelamenduaren 6.3 artikuluak (urriaren 27ko Dekretuaren bidez onartu zen) honako hau xedatzen du BGAE-ek gizarte-aurreikuspeneko jarduerari ekiteari dagokionez:

«3.– BGAEen jarduerari ekiteko baimena ebazpen bidez emango da. Ebazpena Eusko Jaurlaritzan gizarte-aurreikuspeneko erakundeen arloko eskumena duen sailak emango du, erakundea Euskadiko Borondatezko Gizarte Aurreikuspeneko Erakundeen Erregistroan inskribatu beharko da eta gero Euskal Herriko Agintaritzaren Aldizkarian argitaratuko da».

Aipatu legezko agindua betetzearren, iragarki hau ematen da.

Pertsona interesdunek eskura dute aipatu ebazpena, Eusko Jaurlaritzako Ogasun eta Ekonomia Saileko Finantza Politikako eta Erakundeen Baliabideetako Zuzendaritzan, zeina leku honetan baitago: Donostia kalea 1, 01010 Vitoria-Gasteiz.

Vitoria-Gasteiz, 2017ko maiatzaren 31.

Finantza Politikako eta Erakundeen Baliabideetako zuzendaria,

ZURIÑE EMBID ZUBIRIA.

Azterketa dokumentala