Euskal Herriko Agintaritzaren Aldizkaria

88. zk., 2017ko maiatzaren 11, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

OSASUN SAILA

2360

JAKINARAZPENA, jasotako osasun zerbitzuengatik zor diren tasak kitatzeko dena.

Jakinarazpen hori ezin egin izan da Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 59.1 artikuluan zehaztutako eran; beraz, espediente bakoitzerako indarrean dauden Euskal Autonomia Erkidegoko Administrazioaren tasa eta prezio publikoei buruzko legeetan (maiatzaren 31ko 3/1990 Legean eta maiatzaren 29ko 13/1998 Legean) ezarritakoarekin bat etorriz, hau jakinarazten zaie ondorengo zerrendan agertzen diren zergadunei: jasotako osasun zerbitzuengatik Bizkaiko Lurralde Ordezkaritzari zor dizkioten tasak kitatu egin behar dituztela.

Horretarako, aipatutako zerrenda horretan bakoitzari dagokion diru zenbatekoa ingresatu beharko dute, modu hauetatik edozein erabilita:

a) Zenbatekoa esku-dirutan entregatuz Bizkaiko Osasun Lurralde Ordezkaritzan, Bilboko Errekalde Zumarkalea 39-A.

b) Diru zenbatekoa Osasun Saileko Lurralde Ordezkariak Kutxabanken duen ES85 2095 0611 0132 3906 8030 kontuan ingresatzea edo transferentzia egitea. Adierazi behar da likidazioaren zenbakia.

c) 13/1998 Legearen 21. artikuluan zehazten diren gainontzeko erak.

Borondatez ordaintzeko epea:

1.– Jakinarazpen hau hilaren bata eta hamabostaren artean argitaratzen bada, borondatezko ordainketa egiteko epea hurrengo hilabeteko 5era arte edo bostaren ondorengo lehenengo egun baliodunera arte izango da.

2.– Jakinarazpen hau hilaren 16a eta azken egunaren artean argitaratzen bada, borondatezko ordainketa egiteko epea hurrengo hilabeteko 20ra arte edo hogeiaren ondorengo lehenengo egun baliodunera arte izango da.

Premiamenduagatiko gainordaina:

Borondatez ordaintzeko epea bukatuta, premiamenduzko jardunbideari emango zaio hasiera zorrak kobratzeko; kasu horretan gainordaina % 20koa izango da.

Errekurtsoak:

Jakinarazten zaion kitapenarekin ados egon ezean, doakionak berraztertzeko errekurtsoa aurkeztu ahalko dio kitapena egin zuen organoari. Jakinarazpen hau Euskal Herriko Agintaritzaren Aldizkarian argitaratzen den egunaren biharamunean hasi eta hamabost egun baliodunekoa izango da horretarako epea.

Berraztertzeko errekurtsoari emandako ebazpenaren aurka edo hori aurkeztu ez bazen kitapenaren beraren aurka administrazioarekiko diru-erreklamazioa aurkeztu ahalko zaio Euskadiko Ekonomia Arduralaritzako Epaitegiari. Erreklamazio horri buruzko ebazpenak administrazio bidea amaitzen du, eta berau aurkezteko epea jakinarazpen hau Euskal Herriko Agintaritzaren Aldizkarian argitaratzen den egunaren biharamunean hasi eta hamabost egun baliodunekoa izango da.

Hori guztia, Euskal Herriko Agintaritzaren Aldizkarian eta Estatuko Aldizkari Ofizialean argitaratuz jakinarazten da, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 59.5 artikuluan ezarritakoaren arabera.

Ediktu-jakinarazpen honek «dies a quo» moduan du eragina, epe-kontaketari dagokionez, Estatuko Aldizkari Ofizialean argitaratzen denetik aurrera.

Bilbao, 2017ko maiatzaren 2a.

Araubide Juridiko, Ekonomiko eta Zerbitzu Orokorretako zuzendaria,

DANIEL SALAZAR IRUSTA.

I. ERANSKINA

(Ikus .PDF)

Azterketa dokumentala