Euskal Herriko Agintaritzaren Aldizkaria

88. zk., 2017ko maiatzaren 11, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 2 ZENBAKIKO ZUZENEKO LAGUNTZA EMATEKO UNITATE PROZESALA

2351

EDIKTUA, utzarazpenari buruzko 120/2017 zenbakiko hitzezko judizioaren ondoriozkoa.

116/2017 EPAIA

Epailea: Francisco Javier Pablo Pablo jauna.

Lekua: Vitoria-Gasteiz.

Eguna: bi mila eta hamazazpiko apirilaren zazpia.

Alderdi demandatzailea: Rafael Lopez Torija, Florentina Lopez Torija eta Ines Lopez Torija.

Abokatua: Eva Maria Vicho Lopez.

Prokuradorea: Ignacio Sanchiz Capdevila.

Alderdi demandatua: Ainhoa Gonzalez Llamas, Abigail Maria Gorgonzinho Filha Rodrigez y Alvarez, Maribel Castro Santamaria eta Ainhara Astudillo Ortiz (1).

Abokatua: Angel Lapuenta Montoro.

Prokuradorea: Isabel Gomez Perez de Mendiola (1).

Judizioaren gaia: utzarazpena gehi zenbateko bat erreklamatzea.

Nik, Francisco Javier Pablo Pablok, ikusi ditut utzarazpenari buruzko hitzezko judizioaren auto hauek –zor diren errenten erreklamazioarekin–, epaitegi honi igorriak eta 120/2017 zenbakiarekin izapidetuak, Sanchiz prokuradoreak eskatuta Florentina López Torijaren, Inés López Torijaren eta Rafael López Torijaren ordezkaritzan, Vicho letraduak lagunduta, Ainhara Astudillo Ortizen aurka (Gómez prokuradoreak ordezkatuta eta Jiménez letraduak lagunduta, Lapuente jaunaren ordez), doako laguntza juridikoa behin-behinean izendatuta, eta Maribel Castro Santamaríaren, Abigail Gorgonzinho Filha Rodríguez Álvarezen eta Ainhoa González Llamasen aurka, guztiak ere auzi-ihesean.

EPAITZA

Baietsi egiten dut utzarazpenari buruzko hitzezko judizioaren demanda, errentak ez ordaintzeagatik, zenbateko bat erreklamatzeko egintza metatuarekin. Sanchiz prokuradoreak aurkeztu du, Florentina López Torijaren, Inés López Torijaren eta Rafael López Torijaren ordezkaritzan, Vicho letraduak lagunduta, Ainhara Astudillo Ortizen aurka (Gómez prokuradoreak ordezkatuta eta Jiménez letraduak lagunduta), doako laguntza juridikoa behin-behinean izendatuta, eta Maribel Castro Santamaríaren, Abigail Gorgonzinho Filha Rodríguez Álvarezen eta Ainhoa González Llamasen aurka, guztiak ere auzi-ihesean, Vitoria-Gasteizko Santiago kaleko 12. zenbakiko 2. ezkerrean dagoen higiezinaren gaineko errentamendu-kontratuarekin lotuta. Horren ondorioz, kontratu hori suntsitutzat deklaratzen dut, eta demandatu guztiei agintzen diet euren borondatez higiezina uzteko, eta ohartarazten diet bertatik nahitaez botako dituztela prozesuko izapidean aurreikusitako datan, betiere legez ezarritakoaren arabera.

Maribel Castro Santamaría, Abigail Gorgonzinho Filha Rodríguez Álvarez eta Ainhoa González Llamas solidarioki kondenatzen ditut Florentina López Torijari, Inés López Torijari eta Rafael López Torijari ordaintzera 3.676,73 euro, bai eta, hala badagokio, ebazpen honen ostean eta higiezinaren jabetza benetan itzuli arte errentengatik eta antzekoengatik sortzen diren zenbatekoak ere, aplikatu diren hileko kontzeptu finkoen eta zenbatekoen arabera, hartara eragotzi gabe ebazpen honen osteko antzeko kontzeptuak, justifikatzen badira.

Ainhara Astudillo Ortiz kondenatzen dut Florentina López Torijari, Inés López Torijari eta Rafael López Torijari ordain diezaien, solidarioki, 946 euroko zenbatekoraino, aurreko kondenaren ondoriozko kopurutik. Horrez gain, gainerakoekin modu solidarioan, honako hau ordaindu beharko du: ebazpen honen ostean sor daitekeen errentaren eta erkidegoaren hileko kontzeptu finkoaren ondoriozko zorra, higiezina benetan itzuli arte, eta betiere kontzeptuen araberako zenbateko korrelatiboen mugen barruan; 219 euro eta 17,5 euro hilabete bakoitzean, bi kasuetan.

Zenbateko horrek PZLren 576. artikuluan aurreikusten den legezko interesa sortuko luke kondenatuentzat, egoera bakoitzean, epaia betearaztea beharrezkoa balitz.

Kostuak ordaintzera kondenatzen da formalki alderdi demandatua, demandatu aurkaria barnean dela, 1/1996 Legearen 36.2 artikuluaren ondorioetarako.

Jakinaraz bekie alderdiei.

Aurkaratzeko modua: apelazio-errekurtsoa aurkeztuta, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (0010 0000 22 0120 17). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Alderdi demandatzaileari ez zaio apelazio-errekurtsoa onartuko, baldin eta idatziz adierazten ez badu epemugatutako errentak eta kontratuaren arabera aurretiaz ordaindu beharrekoak ordainduta dituela (PZL, 449.1 artikulua).

Eta epai honen bidez erabaki, agindu eta sinatzen dut.

Ainhoa Gonzalez Llamas, Abigail Maria Gorgonzinho Filha Rodrigez Alvarez eta Maribel Castro Santamaria demandatuei legeak agindutako moduan jakinarazteko, honako hau egin eta sinatzen dut Vitoria-Gasteizen, bi mila eta hamazazpiko apirilaren hamarrean.

JUSTIZIA ADMINISTRAZIOAREN LETRADUA.

Azterketa dokumentala