RSS
88. zk., 2017ko maiatzaren 11, osteguna
- Bestelako formatuak:
- PDF (200 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
GETXOKO LEHEN AUZIALDIKO ETA INSTRUKZIOKO 5 ZENBAKIKO ZUZENEKO LAGUNTZA EMATEKO UNITATE PROZESALA
2350
EDIKTUA, 6/2016 prozedura arruntaren ondoriozkoa.
JAKINARAZPEN-ZEDULA
Getxoko (Bizkaia) Lehen Auzialdiko 5 zenbakiko Epaitegian, 6/2016 prozedura arrunta bideratu da, Santander Consumer Finance, S.A.k eskatuta, Roberto Pablo Castro Rodas jaunaren aurka, diru-zenbateko bat erreklamatzeko. Prozedura horren gainean epaia eman da. Hona hemen idazpurua eta epaitza:
Erregearen izenean
60/2017 EPAIA
Epailea: Emilio Lamo de Espinosa Vazquez de Sola.
Lekua: Getxo (Bizkaia).
Eguna: bi mila eta hamazazpiko martxoaren hogeita bia.
Alderdi demandatzailea: Santander Consumer Finance, S.A.
Abokatua: Jesus Javier Fernandez Castañeda.
Prokuradorea: Elsa Pacheco Gurpegui.
Alderdi demandatua: Roberto Pablo Castro Rodas.
Abokatua.
Prokuradorea.
Judizioaren gaia: mailegu-kontratuak.
III. EPAITZA
Baiesten dut Elsa Pacheco Gurpegui epaitegietako prokuradoreak, Santander Consumer, Establecimiento Financiero de Crédito, S.A.ren izenean eta ordezkaritzan, Roberto Pablo Castro Rodas jaunaren aurka jarritako demanda, eta, horrenbestez honako erabaki hauek hartu ditut:
1.– Roberto Pablo Castro Rodas jauna kondenatzen dut Santander Consumer, Establecimiento Financiero de Crédito, S.A.ri honako hauek ordaintzera: 11.293,35 euro gehi legezko interesak –Kode Zibileko 1100, 1101, 1108 eta hurrengo artikuluen araberakoak– demanda aurkeztu zenetik (2015eko abenduaren 29a) aurrerakoak eta prozesuko berandutze-interesak (PZLren 576 artikulua) epaiaren egunetik aurrerakoak (2017ko martxoaren 22a).
2.– Roberto Pablo Castro Rodas kondenatzen dut prozesuko kostuak ordaintzera, halakorik balego.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, egin ezean, ez da errekurtsoa izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Ordainagiriaren kontzeptua idazteko hutsunean, «errekurtsoa» dela adierazi beharko da (Kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».
Eta epai honen bidez erabaki, agindu eta sinatzen dut.
Argitalpena: Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Getxon (Bizkaia), bi mila eta hamazazpiko martxoaren hogeita bian.
Eta Roberto Pablo Castro Rodas demandatuari behar bezalako jakinarazpena egiteko balio dezan, ematen eta sinatzen dut hau, Getxon (Bizkaia), bi mila eta hamazazpiko martxoaren hogeita bederatzian.
JUSTIZIA ADMINISTRAZIOAREN LETRADUA.