Euskal Herriko Agintaritzaren Aldizkaria

51. zk., 2017ko martxoaren 14a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO MERKATARITZA ARLOKO 1 ZENBAKIKO ZUZENEKO LAGUNTZA EMATEKO UNITATE PROZESALA

1347

EDIKTUA, 226/2016 hitzezko judizioaren ondoriozkoa.

Vitoria-Gasteizko Merkataritza Arloko 1 zenbakiko Epaitegia – Merkataritzako Zuzeneko Laguntza emateko Unitate Prozesala.

Judizioa: 226/2016 hitzezko judizioa.

Demandatzailea: Sociedad General Autores y Editores –SGAE–, Asociación de Gestión de Derechos Intelectuales –AGEDI– eta Artistas Intérpretes o Ejecutantes Sociedad de Gestión de España –AIE–.

Abokatua: Diego Zaballos Garcia, Diego Zaballos Garcia eta Diego Zaballos Garcia.

Prokuradorea: Carlos Jose Elorza Arizmendi, Carlos Jose Elorza Arizmendi eta Carlos Jose Elorza Arizmendi.

Demandatua: Buenos Propositos, S.L.

Gaia: jabetza intelektuala.

Judizio horretan, epaia eman da 2017-02-10ean. Hona hemen epaitza:

21/2017 EPAIA

Vitoria-Gasteiz, 2017ko otsailaren 10a.

Nik, M.ª Teresa Trinidad Santosek, Vitoria-Gasteizko Merkataritza Arloko 1 zenbakiko Epaitegiko epaile magistratuak, ikusi ditut jabetza intelektualari buruzko 226/2016 hitzezko judizioko autoak. Alderdiak: batetik, Sociedad General de Autores y Editores (SGAE), Asociación de Gestión de Derechos Intelectuales (AGEDI) eta Asociación de Artistas, Intérpretes o Ejecutantes, Sociedad de Gestión de España (AIE) demandatzaileak, Carlos Elorza Arizmendi prokuradoreak ordekatzen dituela eta Diego Zaballos García letraduak laguntzen; eta, bestetik, Buenos Propósitos, SL demandatua, auzi-ihesean.

EPAITZA

Osorik baiesten dut Sociedad General de Autores y Editores (SGAE), Asociación de Gestión de Derechos Intelectuales (AGEDI), eta Asociación de Artistas, Intérpretes o Ejecutantes, Sociedad de Gestión de España (AIE) elkarteek, Carlos José Elorza Arizmendi prokuradoreak ordezkaturik, jarritako demanda, auzi-ihesean den Buenos Propósitos SL-ren aurka, eta, horrenbestez,

2014ko apiriletik 2016ko uztailera bitartean, biak barnean direla, SGAEk administratutako obrak erabili ditu demandatuak, bai eta AGEDI eta AIE erakundeen eskubidepekoak diren fonogramak ere. Hori guztia «Bar del Norte» izeneko bere lokala girotzeko erabili du, baina ez ditu lortu SGAEren eta AGEDIren nahitaezko baimenak erreprodukzio instrumentalerako. Horrez gain, AGEDIri eta AIEri ez die ordaindu legeak fonogramen ekoizleen eta artista interprete edo jotzaileen alde ezartzen duen ordainsari bidezko eta bakarra. Horren ondorioz,

Buenos Propósitos, SL kondenatzen dut:

A) SGAEri zenbateko hau ordaintzera, kalte-ordain modura, JILTBren 140. artikuluan ezarritakoaren arabera, «Bar del Norte» izeneko establezimenduan baimenik gabe obrak erreproduzitzeagatik eta horien komunikazio publikoa egiteagatik, 2014ko apiriletik 2016ko uztailera bitarteko aldia kontuan hartuta, biak barnean direla: 4.070,65 euro gehi zenbateko horren legezko interesak 2016-07-13tik epai honetara arte, eta, epai honetatik aurrera, diruaren legezko interesak gehi bi puntu, harik eta dena ordaindu arte.

B) AIE eta AGEDI erakundeei zenbateko hau ordaintzera, ordainsari bidezko eta bakarra dela-eta, demandatuaren establezimendua girotzeko establezimendu horretan eginiko fonogramen komunikazio publikoagatik, eta AGEDI erakundeari 2014ko apiriletik 2016ko uztailera bitartean (biak barnean direla) hautsitako erreprodukzio-eskubideagatik ere bai, erakunde horien tarifa orokorren arabera: 1.425,02 euro gehi zenbateko horren legezko interesak 2016-07-13tik epai honetara arte, eta, epai honetatik aurrera, diruaren legezko interesak gehi bi puntu, harik eta dena ordaindu arte.

Kostuak demandatuak ordaindu beharko ditu.

Aurkaratzeko modua: apelazio errekurtsoa, Arabako Probintzia Auzitegian (PZL, 455. artikulua). Errekurtsoa jartzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, adieraziko dira: aurka egiteko zein alegaziotan oinarritzen den, zein den apelatutako ebazpena eta zein diren aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan (0844 1111 03 022616). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenean salbuesten direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Buenos Própositos, SL demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake auzi-ihesean den demandatuak.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Vitoria-Gasteiz, 2017ko otsailaren 14a.

JUSTIZIA ADMINISTRAZIOAREN LETRADUA.

Azterketa dokumentala