Euskal Herriko Agintaritzaren Aldizkaria

51. zk., 2017ko martxoaren 14a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 2 ZENBAKIKO ZUZENEKO LAGUNTZA EMATEKO UNITATE PROZESALA

1345

EDIKTUA, 914/2016 hitzezko judizioaren ondoriozkoa.

Vitoria-Gasteizko Lehen Auzialdiko 2 zenbakiko Epaitegian, 914/2016 hitzezko judizioa bideratu da, Bernardo Ibabe Ruiz de Zaratek eskatuta, Antonio Sanchez Doñaren aurka. Prozedura horren gainean epaia eman da. Hona hemen idazpurua eta epaitza, kopiatuta:

65/17 EPAIA

Epailea: Francisco Javier Pablo Pablo jauna.

Lekua: Vitoria-Gasteiz.

Data: bi mila eta hamazazpiko otsailaren hogeita hirua.

Alderdi demandatzailea: Bernardo Ibabe Ruiz de Zarate.

Abokatua: Ana Maria Uribe Acevedo.

Prokuradorea: Ana Rosa Frade Fuentes.

Alderdi demandatua: Antonio Sanchez Doña.

Abokatua.

Prokuradorea.

Judizioko gaia: erantzukizun zibila.

Frade prokuradoreak ordezkatuta eta Uribe letratuak lagunduta, auzi-ihesean den Antonio Sánchez Doñaren aurka, Bernardo Ibabe Ruiz de Záratek eskatuta, zenbateko bat erreklamatzeko, epaitegi honetan bideratutako 914/2016 zk.ko ahozko judizioko auto hauek ikusita, honako epaitza ematen dut.

EPAITZA

Baietsi egiten dut diru-kopuru bat erreklamatzeko, Frade prokuradoreak ordezkatuta eta Uribe letratuak lagunduta, auzi-ihesean den Antonio Sánchez Doñaren aurka, Bernardo Ibabe Ruiz de Záratek aurkeztutako demanda, eta ondorioz,

Bernardo Ibabe Ruiz de Zárateri 734,83 euro pagatzera kondenatzen dut Antonio Sánchez Doña.

Halaber, Bernardo Ibabe Ruiz de Zárateri ondokoa pagatzera kondenatzen dut Antonio Sánchez Doña: kopuru hark sortutako interes legezkoa, 2016ko azaroaren 7tik ebazpen honen egunera artekoa; betiere, eragotzi gabe, ope legis, ezartzea PZLko 576. artikuluan aipatu interesak.

Beren-beregi kostuak alderdi demandatuari ezartzen dizkiot.

Jakinaraz bekie ebazpen hau alderdiei.

Honen aurka ezin da errekurtsorik aurkeztu, PZLko 455. artikuluaren 1. paragrafoan –in fine– xedatutakoaren arabera.

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, Justizia Administrazioaren letradua naizenez, horren guztiaren fede ematen dut Vitoria-Gasteizen, bi mila eta hamazazpiko otsailaren hogeita hiruan.

Eta Antonio Sanchez Doña demandatuari behar bezalako jakinarazpena egiteko balio dezan ematen eta sinatzen dut ediktu hau, Vitoria-Gasteizen, bi mila eta hamazazpiko otsailaren hogeita hiruan.

JUSTIZIA ADMINISTRAZIOAREN LETRADUA.

Azterketa dokumentala