RSS
5. zk., 2017ko urtarrilaren 9a, astelehena
- Bestelako formatuak:
- PDF (226 KB - 2 orri.)
- EPUB (197 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
GARAPENERAKO LANKIDETZAREN EUSKAL AGENTZIA
78
EBAZPENA, 2016ko abenduaren 27koa, Garapenerako Lankidetzaren Euskal Agentziako zuzendariarena, zeinaren bidez onartzen baita Euskal Herriko UNESCO Etxea-Centro UNESCO erakundeari emandako laguntzari uko egiteko eskaera -NBE-2016BA/0003 espediente-zenbakia duen lankide boluntarioari beka emateko-, eta UNICEF Espainiako Komitea erakundeari ematen baitzaio beka, ordezkoa den NBE-2016BA/0012 espediente-zenbakia duenari emateko. Laguntza horren bidez, bekak eman zitzaien herrialde txirotuen aldeko garapen-proiektuetan parte hartzen duten lankide boluntarioei, Nazio Batuetako nazioarteko erakundeei eta erakundeokin elkartutako pertsona juridikoei laguntzak emateko 2016ko laguntzen deialdiaren barruan.
Garapenerako Lankidetzaren Euskal Agentziako zuzendariaren 2016ko irailaren 21eko Ebazpenaren bidez (irailaren 22ko EHAA, 186. zk) eman zitzaion Euskal Herriko UNESCO Etxea-Centro UNESCO erakundeari 18.540 euroko diru-laguntza, NBE-2016BA/0003 espediente-zenbakia duen lankide boluntarioari beka emateko.
Aipatu erakundeak 2016ko abenduaren 23an Garapen Lankidetzarako Euskal Agentziari bidalitako jakinarazpen batean, beken laguntzari uko egiteko eskabidea bidali zuen. Espedientean ageri dira uko-egitearen arrazoiak.
Otsailaren 13ko 22/2007 Dekretuaren 9. artikuluan xedatuarekin bat etorriz, lankide boluntarioak uko egiten badio bekari, itzuli egin beharko ditu kobratutako eskubide ekonomikoak, proportzioan, eta, hala badagokio, bertan behera geratuko dira egin gabe dauden ordainketak. Dekretu horren bidez, Nazio Batuetako nazioarteko erakundeentzako eta erakundeokin elkartutako pertsona juridikoentzako laguntzak arautu ziren, hots, herrialde txirotuen aldeko garapen-proiektuetan parte hartzen duten lankide boluntarioei bekak emateko laguntzak.
Uko egindako zenbatekoa kalkulatzeko, iragan gabeko beka-aldia hartuko da kontuan.
Beka esleitu ondorengo lehenengo hiru hilabeteetan uko egiten bazaio bekari, beste lankide bat aukeratuko da, epealdia amaitu arte, ordezkoen artetik, zerrendan duten hurrenkeran.
Garapenerako Lankidetzaren Euskal Agentzia sortu, arautu eta martxan jarri zenez geroztik, Garapenerako Lankidetzaren Euskal Agentziaren zuzendariari dagokio proposatutako aldaketak onartzeko eskumena, eta, oro har, laguntza horiek kudeatzeko eman behar diren ebazpenak ematea, betiere, lege eta dekretu hauetan xedatuari jarraituz: 5/2008 Legea, ekainaren 19koa, Garapenerako Lankidetzaren Euskal Agentzia sortu eta arautzen duena; 95/2010 Dekretua, martxoaren 23koa, Garapenerako Lankidetzaren Euskal Agentziaren antolaketa eta funtzionamenduko erregelamendua onartzen duena; eta 310/2010 Dekretua, azaroaren 23koa, Garapenerako Lankidetzaren Euskal Agentziaren jardun-hasiera arautzen duena.
Azaldutakoagatik, honako hau
EBAZTEN DUT:
Lehenengoa.- Onartzea NBE-2016BA/0003 espediente-zenbakia duen lankide boluntarioari emandako bekari uko egiteko eskaera, 2016ko deialdian Nazio Batuen erakundearen sistemako nazioarteko erakundeentzat eta erakunde horiei loturiko pertsona juridikoentzat laguntzak ematen dituena, erakunde horiek herrialde txirotuetan burutzen dituzten garapen-proiektuetan parte hartzen duten lankide boluntarioei bekak emateko.
Uko-egite horren ondorioz, Euskal Herriko UNESCO Etxea-Centro UNESCO erakundeak 7.459,9 euro itzuli beharko ditu, justifikatu gabeko zenbatekoa aintzat hartuz. Halaber, indarrik gabe uzten da bigarren ordainketari dagokion ordainketa-agindua.
Bigarrena.- 14.875,89 euroko beka ematea UNICEF Espainiako Komitea erakundeari, NBE-2016BA/0012 espediente-zenbakia duen ordezkoari emateko, bere lana gara dezan Mauritanian.
Hirugarrena.- Ebazpen honen aurka, gora jotzeko errekurtsoa jar dakioke Garapen Lankidetzarako Euskal Agentziako Lehendakaritzari, hilabeteko epean, ebazpena jakinarazi eta biharamunetik aurrera. Gora jotzeko errekurtsoa jartzen denetik hiru hilabete pasatzen badira ebazpenik eman gabe, errekurtsoa ezetsitzat hartu ahal izango da, eta administrazioarekiko auzien bidea zabalik geratuko da.
Vitoria-Gasteiz, 2016ko abenduaren 27a.
Garapenerako Lankidetzaren Euskal Agentziako zuzendaria,
PAUL ORTEGA ETCHEVERRY.
