Euskal Herriko Agintaritzaren Aldizkaria

3. zk., 2017ko urtarrilaren 4a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ENPLEGUKO ETA GIZARTE POLITIKETAKO SAILA

41

EBAZPENA, 2016ko abenduaren 2koa, Lanbide-Euskal Enplegu Zerbitzuko zuzendari nagusiarena, zeinaren bidez argitara ematen baita zer erakundek jasoko dituzten diru-laguntzak Euskal Autonomia Erkidegoan lana duten langileei lehentasunez zuzendutako enplegurako prestakuntza emateko. Diru-laguntza horietarako 2016ko deialdia Lanbideko Administrazio Kontseiluak egin zuen 2015eko abenduaren 30eko Erabakiaren bidez.

Diru-laguntza publikoak emateko orduan, ezinbestean bete behar da publikotasun-printzipioa. Hortaz, Euskal Autonomia Erkidegoan lana duten langileei lehentasunez zuzendutako enplegurako prestakuntza emateko diru-laguntzetarako 2016ko deialdiaren 12.7 artikuluan ezartzen denez, Euskal Herriko Agintaritzaren Aldizkarian argitaratuko da zein diren erakunde-onuradunak eta zenbat diru emango zaien. Deialdi hori Lanbideko Administrazio Kontseiluak egin zuen, 2015eko abenduaren 30eko bilkuran hartutako erabakiaren bidez.

Hori dela eta, hau

EBAZTEN DUT:

Euskal Herriko Agintaritzaren Aldizkarian argitara ematea Euskal Autonomia Erkidegoko zer erakunderi emango zaizkien diru-laguntzak 2016ko ekitaldian Euskal Autonomia Erkidegoan lana duten langileei lehentasunez zuzendutako enplegurako prestakuntza emateko, honako hauek zehaztuta: espediente-zenbakia eta onuradun bakoitzari emandako zenbatekoa (ikusi ebazpen honen eranskina). Diru-laguntza horietarako deialdia Lanbide-Euskal Enplegu Zerbitzuko Administrazio Kontseiluak egin zuen, 2015ko abenduaren 30eko bilkuran hartutako erabakiaren bidez (2015eko abenduaren 31ko EHAA, 249. zk.).

Vitoria-Gasteiz, 2016ko abenduaren 2a.

Lanbide-Euskal Enplegu Zerbitzuko zuzendari nagusia,

ADOLFO ALUSTIZA FERNÁNDEZ.

(Ikus .PDF)

Azterketa dokumentala