Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

248. zk., 2016ko abenduaren 30a, ostirala

Laburpenera joan

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

SEGURTASUN SAILA
5618

EBAZPENA, 2016ko abenduaren 22koa, Polizia eta Larrialdietako Euskal akademiako zuzendari nagusiarena, 2016ko maiatzaren 25eko Ebazpenaz (2016ko ekainaren 8ko EHAA,108 zk.) deitutako Ertzaintzaren Oinarrizko Eskalako agente lehena izateko plaza-kopurua handitzen duena.

2016ko maiatzaren 25eko Ebazpenaz (2016ko ekainaren 8ko EHAA, 108 zk.), Ertzaintzaren Oinarrizko Eskalako agente lehenaren kategorian sartzeko hautaketa- prozedurarako deia egin zen.

Deialdiaren xedea Ertzaintzaren Oinarrizko Eskalako agente lehena izateko 160 plaza barne-promozio bitartez betetzea izan zen. Lanpostuon eskakizunak hauek dira: Euskal Administrazio Publikoetako funtzionarioen C taldeko C-2 azpitaldeari dagokion mailako titulazioa eta Ertzaintzaren 1. hizkuntza-eskakizuna, derrigortasun-datarik gabe.

Deialdi horretako oinarrietako lehen oinarrian bertan ezartzen da deitutako plaza-kopurua handitu ahalko dela; horretarako, horren berri eman behar da aurretik, eta hautaketa-sistemaren sailkapen-ordena zehaztu baino lehen egin behar da.

Gauzak horrela, Segurtasun Sailak ezarritako helburuekin bat etorriz, eta Segurtasuneko sailburuordeak egindako eskaera kontuan harturik, honakoa

EBAZTEN DUT:

Bakarra.– 2016ko maiatzaren 25eko Ebazpenaz (2016ko ekainaren 8ko EHAA, 108 zk.) deitutako Ertzaintzaren Oinarrizko Eskalako agente lehena izateko 160 plazei beste 83 plaza gehitzea; beraz, guztira, deitutako plazak 243 dira. Lanpostuon eskakizunak hauek dira: Euskal Administrazio Publikoetako funtzionarioen C taldeko C-2 azpitaldeari dagokion mailako titulazioa eta Ertzaintzaren 1. hizkuntza-eskakizuna, derrigortasun-datarik gabe.

Arkauti, 2016ko abenduaren 22a.

Polizia eta Larrialdietako Euskal Akademiako zuzendari nagusia,

MALENTXO ARRUABARRENA JULIAN.


Azterketa dokumentala