240. zk., 2016ko abenduaren 20a, asteartea
- Bestelako formatuak:
- PDF (226 KB - 2 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 13 ZENBAKIKO EPAITEGIA
5419
EDIKTUA, 942/2015 prozedura arruntaren ondoriozkoa.
JAKINARAZPEN-ZEDULA
Bilboko (Bizkaia) Lehen Auzialdiko 13 zenbakiko Epaitegian, 942/2015 prozedura arrunta bideratu da Alberto Iglesias Gallegok eskatuta, hauen aurka: Luis del Reguero Garcia, Jose del Reguero Escobar, Maria del Carmen del Reguero Escobar, Josefa del Reguero Garcia, Jesus del Reguero Garcia, Manuel del Reguero Garcia, Maria Angeles del Reguero Escobar eta Flora del Reguero Garcia (gaia: judizio arrunta). Prozedura horren gainean epaia eman da. Hona hemen idazpurua eta epaitza, kopiatuta:
247/2016 EPAIA
Epailea: Paula Boix Sampedro.
Lekua: Bilbao (Bizkaia).
Eguna: bi mila eta hamaseiko azaroaren hogeita bia.
Alderdi demandatzailea: Alberto Iglesias Gallego.
Abokatua: Maria Del Mar Rivero Buxeda.
Prokuradorea: Concepcion Imaz Nuere.
Alderdi demandatua: Luis del Reguero Garcia, Jose del Reguero Escobar, Maria del Carmen del Reguero Escobar, Josefa del Reguero Garcia, Jesus del Reguero Garcia, Manuel del Reguero Garcia, Maria Angeles del Reguero Escobar eta Flora del Reguero Garcia
Abokatua.
Prokuradorea.
Judizioko gaia: legatuak.
EPAITZA
Osorik baiesten dut Alberto Iglesias Gallegok aurkeztutako demanda, hauen aurkakoa: Luis del Reguero Garcia, Jose del Reguero Escobar, Maria del Carmen del Reguero Escobar, Josefa del Reguero Garcia, Jesus del Reguero Garcia, Manuel del Reguero Garcia, Maria Angeles del Reguero Escobar eta Flora del Reguero Garcia. Hori dela eta, demandatuak honetara kondenatzen ditut:
1.– Auzi-jartzaileari eman behar diote Benita Garcia Iparraguirre testamentugileak zehaztutako legatua, erreferentzia honetakoa: etxebizitza (Masustegi Estrata kalea 24, 2. solairua, Basurtu, Bilbao – Bilboko 13 zenbakiko jabetza-erregistroa, 19.218 erregistro-finka, 503. liburukia, 483. liburua, 50. folioa), eta bera hil zenean zeuden arropa, altzari eta tresna guztiak.
2.– Beroriek emateko eta jabe gisa beregana ditzan behar beste eragiketa egin behar dute, bereziki erakundeetan, notariotzetan eta erregistroetan, hau da, horretarako behar den beste dokumentu publiko eta pribatu sinatu beharko dute; jakinarazten zaie ezen, epaia betetzeko borondatezko epean egin ezean, judizialki eta euren kontura egingo dela auzi-jartzaileak aukeratzen duen notariotzan, epaia betearaz diezaieten.
3.– Prozesuko kostuak ere ordaindu behar dizkiote auzi-jartzaileari.
Aurkaratzeko modua: Bizkaiko Probintzia Auzitegiari zuzendutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen gordailuan eta zainpean uzteko kontuan (4751). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Josefa del Reguero Garciari eta gainerako demandatuei behar bezalako jakinarazpena egiteko balio dezan, ematen eta sinatzen dut idazki hau, Bilbon (Bizkaia), bi mila eta hamaseiko azaroaren hogeita hiruan.
JUSTIZIA ADMINISTRAZIOAREN LETRADUA.