Euskal Herriko Agintaritzaren Aldizkaria

233. zk., 2016ko abenduaren 9a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GARAPENERAKO LANKIDETZAREN EUSKAL AGENTZIA

5246

EBAZPENA, 2016ko azaroaren 28koa, Garapenerako Lankidetzaren Euskal Agentziako zuzendariarena, 2016ko azaroaren 9ko Ebazpenean aurkitutako akatsak zuzentzeko dena. Ebazpen horren bidez, 2016. urterako garapenerako lankidetza-proiektuetarako laguntzak ematen dira.

Garapenerako Lankidetzaren Euskal Agentziako zuzendariaren 2016ko azaroaren 9ko Ebazpenaren bidez (2016ko azaroaren 11ko Euskal Herriko Agintaritzaren Aldizkaria, 214. zk.), 2016. urterako garapenerako lankidetza-proiektuetarako laguntza-deialdia ebatzi zen.

Ebazpen horren I. eranskinean, diru-laguntzen erakunde esleipendunen zerrenda jasotzen da, bai eta horietako bakoitzari emandako diru-laguntzen zenbatekoak ere.

Hala ere, ikusi da I. eranskineko hiru espedienteri esleitutako zenbatekoak ez direla zuzenak, zehazki honako hauek: PRO-2016K1/0130 espedientea (462.011,95 euro); PRO-2016K3/0022 espedientea (116.316,54 euro) eta PRO-2016K3/0040 espedientea (106.870,11 euro). Hona hemen akatsok:

● PRO-2016K1/0130 espedienteari, behar baino 26.112,81 euro gehiago eman zaio.

● PRO-2016K3/0022 espedienteari, behar baino 50.000 euro gutxiago eman zaio.

● PRO-2016K3/0040 espedienteari, behar baino 23.887,19 euro gehiago eman zaio.

Akats hori zuzentzeko, diru-laguntzok emateko Balorazio Batzordea bildu da 2016ko azaroaren 21ean, eta esleipen-proposamen berri bat egin du azken hiru espediente horientzako.

Horretaz gainera, I. eranskinean bertan, beste akats bat aurkitu da: PRO-2016K1/0135 espedientearen erakunde esleipendunaren izena Euskal Herriko Nekazarien Elkartasuna - (Bizkaia) da, eta ez Euskal Herriko Nekazarien Elkartasuna - Unión de Ganaderos y Agricultores de Euskal Herria (EHNE - UGAV).

Administrazio Publikoen Administrazio Prozedura Erkidearen urriaren 2ko 39/2015 Legearen 109.2 artikuluan ezarritakoarekin bat etorriz, herri-administrazioek, beren kabuz edo interesdunek eskaturik, edozein unetan zuzendu ditzakete beren egintzetako errakuntza materialak, egitezkoak edo aritmetikoak.

Horiek horrela, honako hau

EBAZTEN DUT:

Lehenengoa.– 2016ko azaroaren 9ko Ebazpenaren I. eranskina aldatzea. Garapenerako Lankidetzaren Euskal Agentziako zuzendariaren ebazpen horren bidez, 2016. urterako garapenerako lankidetza-proiektuetarako laguntza-deialdia ebazten da. Eranskina aldatuta, hiru erakunderi –PRO-2016K1/130, PRO-2016K3/0022 eta PRO-2016K3/0040 espediente-zenbakia dutenei– esleitutako zenbatekoak zuzenduko dira, bai eta PRO-2016K1/0135 espedienteari dagokion erakundearen izena ere. Horrenbestez, honela idatzita geratzen da eranskina:

(Ikus .PDF)

Bigarrena.– Ebazpen honek ez dio amaiera ematen administrazio-bideari, eta, beronen aurka, gora jotzeko errekurtsoa aurkeztu ahal izango zaio Garapenerako Lankidetzaren Euskal Agentziako lehendakariari, hilabeteko epean, ebazpena Euskal Herriko Agintaritzaren Aldizkarian argitaratu eta hurrengo egunetik hasita.

Vitoria-Gasteiz, 2016ko azaroaren 28a.

Garapenerako Lankidetzaren Euskal Agentziako zuzendaria,

PAUL ORTEGA ETCHEVERRY.

Azterketa dokumentala