RSS
227. zk., 2016ko azaroaren 29a, asteartea
- Bestelako formatuak:
- PDF (215 KB - 2 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DONOSTIA-SAN SEBASTIÁNGO LEHEN AUZIALDIKO 8 ZENBAKIKO EPAITEGIA
5078
EDIKTUA, 1120/2013 prozedura arruntaren ondoriozkoa.
JAKINARAZPEN-ZEDULA
Vinicola Gipuzkoana S.A. enpresak eskatuta, Donostiako Lehen Auzialdiko 8 zenbakiko Epaitegian 1120/2013 prozedura arrunta bideratu da, Ardatza, S.A. enpresaren aurka, diru-zenbateko bat erreklamatzeari eta zerbait egiteko kondenari buruzkoa. Prozedura horren gainean, epaia eman da. Hona hemen idazpurua eta epaitza:
212/2015 EPAIA
Epailea: Eva Cerón Ripoll.
Lekua: Donostia.
Data: bi mila eta hamabosteko abenduaren hemezortzia.
Alderdi demandatzailea: Vinicola Gipuzkoana, S.A.
Abokatua: Fernando Arbe Herrero.
Prokuradorea: Isabel Marin Cano.
Alderdi demandatua: Ardatza, S.A.
Abokatua.
Prokuradorea.
Judizioaren gaia: zenbateko bat erreklamatzea.
XEDAPENAK
Osorik baiesten dut Isabel Marín Cano prokuradoreak jarri duen demanda, Vinícola Gipuzkoana S. A. enpresaren izenean eta hura ordezkatuz eta Fernando Arbe Herrero abokatuak zuzenduta, auzi-ihesean den Ardatza, S.A. enpresaren aurkakoa, eta, beraz, hau erabaki dut:
1.– Demandatua kondenatzen dut Hernaniko Eziago poligonoko 10. A zenbakian duen lokalaren ondoko lokalari eragiten dioten iragazpenak amaitzeko beharrezko konponketak egitera; ondoko lokala demandatzailearena da, hain zuzen.
2.– Demandatua kondenatzen dut auzi-jartzaileari bost mila, hirurehun eta hirurogeita hamabost euro eta hogeita bost zentimo (5.375,25) ordaintzera, haren ondasunean gaurdaino eragindako kalteen kalte-ordain gisa;
3.– Erreklamatutako printzipalaren diruaren legezko interesa –demanda jarri zen egunetik aurrerakoa– auzi-jartzaileari ordaintzera kondenatzen dut demandatua; eta
4.– Sortzen diren kostuak ordaintzera kondenatzen dut demandatua.
Aurkaratzeko modua: apelazio-errekurtsoa, Gipuzkoako Probintzia Auzitegian (1/2000 PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den eta zein erabaki aurkaratzen diren (1/2000 PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan (kontuaren zenbakia: 2812 0000 00 1120 13, Dirua sartu izanaren agirian, kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Epai honen lekukotza egin bedi eta auto hauei erantsi. Jatorrizkoa epaitegi honetako epaien liburuan utziko da.
Eta epai honen bidez erabaki, agindu eta sinatzen dut.
Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Epaiari dagokion egunean, jendaurreko entzunaldia egiten ari zelarik, epaia eman zuen epaile magistratuak berak eman, irakurri eta argitaratu zuen. Eta nik, idazkari judiziala naizenez, guzti horren fede ematen dut Donostian, bi mila eta hamabosteko abenduaren hemezortzian.
Eta Ardatza S.A. demandatuari behar bezalako jakinarazpena egiteko balio dezan, ematen eta sinatzen dut hau, Donostian, bi mila eta hamaseiko irailaren hamaseian.
IDAZKARIA.