RSS
222. zk., 2016ko azaroaren 23a, asteazkena
- Bestelako formatuak:
- PDF (221 KB - 1 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DURANGOKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA
4973
EDIKTUA, adostasunik gabeko dibortzioari buruz bideratutako 433/2015 prozeduraren ondoriozkoa.
JAKINARAZPEN-ZEDULA
Durangoko (Bizkaia) Lehen Auzialdiko 2 zenbakiko Epaitegian adostasunik gabeko dibortzioari buruz bideratutako 433/2015 prozeduran epaia eman da. Prozedura hori Restituta Nsang Asumu-k eskatuta hasi da, Julius Wankwe Taniform-en aurka. Honako hauek dira epai horren idazpurua eta epaitza:
EPAITZA
Restituta Nsang Asumu jaunak eta Julius Wankwe Taniform andreak osatutako ezkontza desegindakotzat deklaratzen dut, dibortziorako kausa legalak direla-eta; eta deklarazio horrek legezko ondorio guztiak izango ditu; besteak beste, ezkontzaren ondasun-eraentza desegitea.
Lehenengo auzialdi honetan sortutako kostu prozesu-kostuen gaineko kondena-erabakirik ez da hartzen.
Ebazpen hau irmo delarik, bidali bedi –ofizioz- exhortoa Bilboko Erregistro Zibilera, haren testigantzarekin, ezkontza-inskripzioan orri-bazterrean inskriba dadin.
Aurkaratzeko modua: Bizkaiko Probintzia Auzitegiari zuzendutako apelazio-errekurtsoaren bidez (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: inpugnazioa zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen gordailuan eta zainpean uzteko kontuan (4762000033043315). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena: epaiari dagokion egunean, jendaurreko entzunaldia egiten ari zelarik, epaia eman zuen epaile magistratuak berak eman, irakurri eta argitaratu zuen. Eta nik, Justizia Administrazioaren letradua naizenez, horren guztiaren fede ematen dut Durangon (Bizkaian), bi mila eta hamaseiko urriaren hamazortzian.
Eta demandatuari, Julius Wankwe Taniform-i, behar bezalako jakinarazpena egiteko balio dezan, ematen eta sinatzen dut hau, Durangon (Bizkaia), bi mila eta hamaseiko urriaren hamazortzian.
JUSTIZIA ADMINISTRAZIOAREN LETRADUA.
