Euskal Herriko Agintaritzaren Aldizkaria

222. zk., 2016ko azaroaren 23a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

4971

EDIKTUA, behin betiko neurriak aldatzeari buruzko 1020/2014 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (Familia).

Judizioa: 1020/2014, behin betiko neurriak aldatzea.

Demandatzailea: L.T.Q.G.

Abokatua: Xabier Garmendia Gaztañaga.

Prokuradorea: Paula Basterreche Arcocha.

Demandatua: Max Heber Altamiraño Mendoza.

Gaia: behin betiko neurriak aldatzea.

Judizio horretan, epaia eman da 2016-10-26an. Hona hemen epaitza:

Max Heber Altamirano Mendoza-ren aurka, L.T.Q.G. andreak aurkeztutako demanda partez baietsi egiten dut; bidezkotzat jotzen dut parteek itundutako neurriak aldatzea. MHC 593/2011 prozeduran, 2012ko otsailaren hogeita batean epaitegi honek emandako epaiaz onartu ziren neurriok. Eta honako erabaki hauek hartzen ditut:

A) Max Heber Altamirano Mendoza jaunak XXXXX alaba komunarekiko zuen guraso-ahala bertan behera uztea; izan ere, ahal hori aurrerantzean amak baliatuko du esklusiboki, eta zaintza eta jagoletza ere amari esleitzen zaizkio, eta zaintza ez duen gurasoak bisita- eta egonaldi-erregimena izatea ez da bidezkotzat jotzen.

B) Ezkontzako semearen alde eta zaintza ez duen gurasoaren kargura, kontzeptua oro dela-eta aitak lortzen dituen sarrera likidoen % 25eko mantenu-pentsioa ezartzea, betiere hileko 120 eurokoa gutxienez, zeina hilabeteko bakoitzeko lehen bost egunen barruan ordaindu beharko den, eta urtero eguneratuko da Estatistika Institutu Nazionalak edo haren ordezko erakundeak Estatu osoarentzat argitaratutako KPIak dituen aldaketen arabera; zenbaketa hasteko oinarritzat ebazpen honen eguna hartuko da.

C) Adingabeko semearen gastuak –ebazpen honetako oinarri juridikoan zehaztu bezala–, gurasoek erdibana ordaindu beharko dituzte. Guztiarekin ere, presazko ez diren aparteko gastuak guraso biek baimendu beharko dituzte. Dena dela, gastua beste parteari behar bezala jakinarazten zaionetik –gastuaren berri emanez, beharrezkoa dela adieraziz, zenbatekoa adieraziz eta dagozkion agiriekin batera– 10 egun igaro eta objekzio berariazkorik egiten ez bada, ulertuko da onartzen duela. Era berean, auzialdi honetan sortutako kostuen gaineko berariazko erabakirik ez da hartzen.

Max Heber Altamiraño Mendoza demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Barakaldo (Bizkaia), 2016ko urriaren 28a.

JUSTIZIA ADMINISTRAZIOAREN LETRADUA.

Azterketa dokumentala