Euskal Herriko Agintaritzaren Aldizkaria

217. zk., 2016ko azaroaren 16a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 9 ZENBAKIKO EPAITEGIA

4857

EDIKTUA, 89/2016 hitzezko judizioaren ondoriozkoa.

JAKINARAZPEN-ZEDULA

Bilboko Lehen Auzialdiko 9 zenbakiko Epaitegian (Bizkaia), 89/2016 hitzezko judizioaren prozedura bideratu da, Servihabitat Alquiler, S.L. sozietateak eskatuta, Aritz Muñoz Aguirrezabal-en aurka, diru-zenbateko bat erreklamatzeko. Prozedura horren gainean, epaia eman da. Hona hemen idazpurua eta epaitza:

198/2016 EPAIA

Epailea: Maria Esther Gonzalez Rodríguez.

Lekua: Bilbao (Bizkaia).

Eguna: bi mila eta hamaseiko urriaren bosta.

Alderdi demandatzailea: Servihabitat Alquiler, S.L.

Abokatua: Francisco Javier Fuldain Gonzalez.

Prokuradorea: Javier Ortega Azpitarte.

Alderdi demandatua: Aritz Muñoz Aguirrezabal, auzi-ihesean.

Abokatua.

Prokuradorea.

Judizioko gaia: hiri-errentamenduak.

EPAITZA

Osorik baiesten dut Javier Ortega Azpitarte prokuradoreak Servihabitat Alquiler, S.L. sozietatearen izenean eta ordez aurkeztu duen demanda, Aritz Muñoz Aguirrezabal-en aurkakoa, zeina auzi-ihesean baitago. Horrenbestez, aipatutako demandatua kondenatzen dut auzi-jartzaileari kopuru hauek ordaintzera: 5.071,74 euro eta ebazpen honen hirugarren zuzenbideko oinarrian adierazi diren interes itunduak. Alderdi demandatuari ezartzen dizkiot prozesu honen kostuak.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen gordailuan eta zainpean uzteko kontuan (IBAN ES55 0049 3569 92 0005001274). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, bai eta doako laguntza juridikorako eskubidea aitortua dutenak ere.

Eta epai honen bidez erabaki, agindu eta sinatzen dut.

Aritz Muñoz Aguirrezabal demandatuari behar bezala jakinarazteko ematen eta sinatzen dut ediktu hau, Bilbon (Bizkaia), bi mila eta hamaseiko urriaren hamazazpian.

JUSTIZIA ADMINISTRAZIOAREN LETRADUA.

Azterketa dokumentala