RSS
215. zk., 2016ko azaroaren 14a, astelehena
- Bestelako formatuak:
- PDF (236 KB - 2 orri.)
- EPUB (233 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
EKONOMIAREN GARAPEN ETA LEHIAKORTASUN SAILA
4800
IRAGARKIA, 2016ko urriaren 21ekoa, Ekonomiaren Garapen eta Lehiakortasun Saileko Bizkaiko lurralde-ordezkariarena. Honen bidez, jendaurrean jartzen da honako linea honetarako zuhaitzik gabeko zerrenda handitzeko proiektua: Berriz eta Abadiño udalerrietan, 13,2kV-ko «Berriz-Durango 1 Ztoa» goi-tentsioko linea elektrikoa.
Abenduaren 3ko 282/2002 Dekretuaren 10. artikuluan (2002-12-23ko EHAA) eta abenduaren 1eko 1955/2000 Errege Dekretuaren 144. artikuluan (2000-12-27ko BOE) zehaztutako ondorioetarako, eta lege-testu hauetan xedatutakoarekin bat: testu horretako azken xedapenetatik lehenengoa; Nahitaezko Desjabetzeari buruzko 1957ko apirilaren 26ko Legearen Erregelamenduaren 17. artikulua; Sektore Elektrikoari buruzko abenduaren 26ko 24/2013 Legearen 55. artikulua (2013-12-27ko BOE); Energia eta Meategien zuzendariaren 2011ko martxoaren 8ko Ebazpena (2011-05-31ko EHAA), zeinaren bidez zuhaizti-eremuetatik aireko lineak igarotzeko preskripzioak ezartzen baitira; jendaurrean jartzen da dagoen instalazioaren gaineko jarduera hau, zeinetarako eskabidea Iberdrola Distribucion Electrica, SAUk egin baitu.
Erreferentzia: L-8351 IFT/MBA.
Espedientea: 48-AT-H-2016-00039.
– Kokalekua: Berriz eta Abadiño udalerrietan
– Aurrekontua: 7055,20 euro.
– Xedea: energia elektrikoaren kalitatea eta horniduraren segurtasuna hobetzea.
Jardueraren ezaugarri nagusiak:
Gaur egun dagoen zuhaitzik gabeko zerrenda handitzea, nondik linea igaroko baita, betiere erregelamenduzko agindu berriak betez, aipatu linean, 7.069 metroko luzeran.
Onura publikoaren deklarazioa eskatzen da.
Argitara ematen da hori guztia jendeak horren berri izan dezan, bereziki lursailen jabeek eta jarduerak ukitutako gainerako titularrek, zeinek dokumentazioa aztertu ahalko baitute sail honen Bizkaiko Lurralde Ordezkaritzan (Concha Jeneralaren kalea 23, 5. solairua, Bilbao), edo dagokion udalean. Iragarki honen amaieran dago jasota interesdunen zerrenda.
Bidezko iritzitako alegazioak –bi kopia– dagokion ordezkaritzan aurkeztu beharko dira, gehienez ere hilabeteko epean, iragarki hau argitaratu eta biharamunetik kontatzen hasita.
Bilbao, 2016ko urriaren 21a.
Lurralde-ordezkaria,
ADOLFO GONZALEZ BERRUETE.
