Euskal Herriko Agintaritzaren Aldizkaria

207. zk., 2016ko azaroaren 2a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 3 ZENBAKIKO ZUZENEKO LAGUNTZA EMATEKO UNITATE PROZESALA

4626

EDIKTUA, 618/2014 prozedura arruntaren ondoriozkoa.

Zuzeneko Laguntza Zibila emateko Unitate Prozesala – Vitoria-Gasteizko Lehen Auzialdiko 3 zenbakiko Epaitegia.

Judizioa: 618/2014 prozedura arrunta.

Demandatzailea: Iliada pasealekuko 13-15 eta 17.eko Jabekideen Erkidegoa.

Abokatua: Cristina Santo Domingo Vicario.

Prokuradorea: Maria Regina Aniel-Quiroga Ortiz De Zuñiga.

Demandatua: Cia. de Seguros Lagun Aro, S.A., Opacua, S.A., Promociones Azua Gauna, S.L., Banco De Vitalicio de España Cia Anonima de Seguros y Reaseguros, S.A., Jose Antonio Barroso Aspe, Promociones Inversiones Osparama, S.L., Asemas Mutua de Seguros y Reaseguros a Prima Fija, Musaat Mutua de Seguros a Prima Fija eta Javier Ruiz de Azua Lopez de Gauna.

Gaia: judizio arrunta.

Aipatutako judizioan, epaia eman zen 2016-10- 03an, eta honela dio xedapen-zatiak:

ZUZENBIDEKO OINARRIAK

Hirugarrena.– Auzi-jartzailearen legezko ordezkaritzak adierazitakoa gorabehera, eta nahiz eta sustatzailea eta arkitektoa kondenatuak izan ziren zarata eta bibrazioena konpontzeari zegokiona ordaintzera, kontuan izan beharrekoa da demandatzaileen erkidegoek aurkeztutako peritu-txostena; konponketa-aukeretan lehena ilekiak paratzea zen, zehazki, «zarata eta bibrazioen maila apaltzeko, ileki-mineral edo antzekoez hodiak estaltzea», eta, bestalde, aipatzen zen ezen, motelgailuak paratzea ezinezko bada, aireztapen-sistemak ordeztu daitezkeela ezarri betekizunak konplitzen dituzten beste batzuez, eta hortik ondorioztatzen da ezen bigarren konponbidea lehenaren subsidiarioa dela; eta zelan eta alderdi auzi-jartzailek konponketa barik zenbaketa ekonomikoa aukeratu duen, horrek lehen partida jaso beharko du, zeren biak jasotzeak kalte-ordain bikoitza ekar bailezake.

Hortaz, egoki da zenbatestea aurkeztutako argiketa, eta kalte-ordaina honetara mugatuko da: bibrazioek eragindako akatsei dagokienez, Carlos Martín perituak aurkeztutako lehen kalte-ordainera.

Aipaturiko legezko artikuluak eta oro har auzian aplikatu daitezkeen gainontzekoak ikusita, hona hemen

XEDAPENAK

José Antonio Barroso Aspe-ren izenean eta ordez Iratxe Damborenea Agorria prokuradoreak aurkeztutako argitze-eskabidea baiestea, ebazpen honetako zuzenbidezko oinarrietarik hirugarreneko zehaztapenekin bat etorriz.

Jakinaraz bekie ebazpen hau alderdiei.

Ebazpen hau irmoa da eta bere aurka ez dago errekurtsorik aurkezterik (PZL, 215.5. artikulua).

Epaileak ebatzi eta sinatzen du. Fede ematen dut.

Epailearen sinadura. Justizia Administrazioaren sinadura

Promociones Azua Gauna, S.L. demandatuaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluaren arabera (PZLb).

Ebazpen horren aurka ezin da errekurtsorik aurkeztu.

Jakinarazten den ebazpenaren testu osoa eskuragarri du interesdunak auzitegi honetako bulego judizialean.

Vitoria-Gasteiz, 2016ko urriaren 4a.

JUSTIZIA ADMINISTRAZIOAREN LETRADUA.

Azterketa dokumentala