Euskal Herriko Agintaritzaren Aldizkaria

204. zk., 2016ko urriaren 27a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA

4556

EDIKTUA, 968/2015 prozedura arruntaren ondoriozkoa.

Zuzeneko Laguntza Zibila emateko Unitate Prozesala – Vitoria-Gasteizko Lehen Auzialdiko 6 zenbakiko Epaitegia.

Judizioa: 968/2015 prozedura arrunta.

Demandatzailea: Jose Rubio Cerezuela.

Abokatua.

Prokuradorea: Jose Ignacio Beltran Arteche.

Demandatua: Jose Rubio Pizarro, Antonio Rubio Pizarro eta Manuel Rubio Pizarro.

Gaia: judizio arrunta.

Judizio horretan, epaia eman da 2016-06-30ean. Hona hemen epaitza:

EPAITZA

Osorik baiesten dut José Rubio Cerezuelaren ordezkaritza prozesalak Antonio, José eta Manuel Rubio Pizarroren aurka jarritako demanda, eta beraz:

1.– Demandatuek demandatzailearekin batera autoetako xede den salerosketa eskrituratzeko duten obligazioa deklaratzen dut, demandako eskaeran azaldutako eran, eta, ondorioz:

2.– Aipatutako demandatuak kondenatzen ditut dagokion salerosketa-eskritura publikoa notarioaren aurrean egilestera, judizio arrunt honen jatorrizko demandaren lehenengo egitatean azaltzen den zirriborroaren arabera.

Demandatuek edo demandatuetako batek, epai hau irmo egiten denetik 30 egun balioduneko epean, ez balute eskritura egiletsiko, demandatzaileak eskatu ahal izango du epaitegiak eskritura hori nahitaez egilestea, demandaren lehenengo egitatean adierazitako eran, eta, horrela, dagokion Jabetzaren Erregistroan inskribatzeko moduko dokumentu bat egin dadin.

3.– Alderdi bati ere ez zaio berariaz ezartzen auzi honetan sortutako kosturik.

Aurkaratzeko modua.- Apelazio errekurtsoa, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (0072 0000 04 0968 15). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Manuel Rubio Pizarro demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen (PZLb) 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Vitoria-Gasteiz, 2016ko irailaren 16a.

JUSTIZIA ADMINISTRAZIOAREN LETRADUA.

Azterketa dokumentala