Euskal Herriko Agintaritzaren Aldizkaria

204. zk., 2016ko urriaren 27a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

EIBARKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

4553

EDIKTUA, ezkontzaz kanpoko seme-alabentzako neurrietarako 177/2015 prozeduraren ondoriozkoa.

Eibarko Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.

Judizioa: 177/2015 ezkontzaz kanpoko seme-alabentzako neurriak.

Demandatzailea: Zohra Kaina.

Abokatua: Eider Lete Akarregi.

Prokuradorea: Josefina Llorente Lopez.

Demandatua: Layachi El Bradi.

Gaia: ezkontzaz kanpoko seme-alabentzako neurriak.

Judizio horretan, epaia eman da 2016-09-19an. Hona hemen epaitza:

Baietsi egiten dut Llorente prokuradoreak Zora Kaina-ren izenean eta ordez aurkeztu duen demanda, Layachi El Bradi-ren kontrakoa. Horrenbestez, XXXXX adingabeari dagokionez, neurri hauek hartzea erabaki dut:

– Amari, Zora Kaina-ri, ematen zaizkio XXXXX alaba adingabearen zaintza eta jagoletza. Guraso-ahala, berriz, aitak eta amak edukiko dute batera.

– Layachi El Bradi-k eskubidea izango du bere alaba adingabea bisitatzeko bi astebururik behin, urte osoan, larunbat eta igandeetan 17:00etatik 19:00etara, gaua berarekin igaro gabe, eta Donostiako elkarguneko profesionalek gainbegiratuta.

- Layachi El Bradi-k, hilero, hilaren lehenengo bost egunetan, aurreratuta, ehun eta berrogeita hamar (150) euro ordainduko ditu bere alaba adingabearen mantenurako, Zora Kaina-k horretarako izendatzen duen kontu korrontean. Betebehar hori ebazpen hau eman den egunetik aurrera beteko da; lehenengo hil honetan, hainbanatu egingo da dagokion zenbatekoa. Diru-zenbateko hori urtero eguneratuko da, Estatistikako Institutu Nazionalak edo haren ordezko erakundeak ezarritako KPIaren arabera. Lehenengo aldiz, 2017ko urtarrilean eguneratuko da. Betebehar hori betetzen ez bada, legezko neurri egokiak hartuko dira. Aparteko gastuak guraso biek erdibana ordaindu beharko dituzte.

– Aparteko gastuak guraso biek ordainduko dituzte, erdibana.

Ez da erabakirik hartzen autoetan sortutako gastuak ordaintzeko.

Jakinaraz bekie ebazpen hau alderdiei, legeak agindu bezala.

Ebazpen honen jatorrizko kopia sar bedi epaien liburuan, eta jaso bedi testigantza autoetan.

Layachi El Bradi demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Eibar (Gipuzkoa), 2016ko irailaren 20a.

JUSTIZIA ADMINISTRAZIOAREN LETRADUA.

Azterketa dokumentala