RSS
201. zk., 2016ko urriaren 24a, astelehena
- Bestelako formatuak:
- PDF (207 KB - 2 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BERGARAKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA
4486
EDIKTUA, ezkontzaz kanpoko seme-alabentzako neurrietarako 214/2016 prozeduraren ondoriozkoa.
JAKINARAZPEN-ZEDULA
Bergarako Lehen Auzialdiko 1 zenbakiko Epaitegian (Gipuzkoa), ezkontzaz kanpoko seme-alabentzako neurriei buruzko 214/2016 prozedura bideratu da, Meriem Bleilak eskatuta, Mohamed Sidahmed Merjiren aurka. Prozedura horren gainean epaia eman da. Hona hemen idazpurua eta epaitza:
102/2016 EPAIA
Epailea: Maria Angela Rodriguez-Monsalve Navarro.
Lekua: Bergara (Gipuzkoa).
Eguna: bi mila eta hamaseiko irailaren hamalaua.
Alderdi demandatzailea: Meriem Bleila.
Abokatua: Amaia Madina Aguirre.
Prokuradorea: Luis Echaniz Aizpuru.
Alderdi demandatua: Mohamed Sidahmed Merji.
Abokatua.
Prokuradorea.
Judizioaren gaia: familia-zuzenbidea. Beste gai batzuk.
EPAITZA
Partez baiesten dut Juana Meriem Bleila Siad-en ordezkaritza prozesalak aurkeztutako demanda, Mohamed Sidahmed Merjiren aurkakoa. Horrenbestez, gurasoen eta seme-alaben arteko harremana arautzeko neurri hauek hartzen ditut:
1.– Alaba komunaren zaintza eta jagoletza amari ematen zaio. Bi gurasoei dagokie guraso-ahalaren titulartasuna eta erabilera.
2.– Ez da ezartzen mantenu-pentsiorik. Aitak bere diru-sarrerak emendatuko balitu, izan jasotako laguntzen bidez zein lanean hasi delako, amari jakinarazi beharko dio; izan ere, laguntza edo soldata horiek 500 euro baino gehiagokoak badira, alabaren aldeko mantenu-pentsioa 150 eurokoa izango da.
3.– Ezohiko gastuak amak ordainduko ditu, baina aitaren egoera ekonomikoa hobetzen bada, orduan bien artean ordainduko dituzte gastu horiek. Jurisprudentzia ugaria aintzat hartuta, aparteko gastutzat hartuko dira soilik Gizarte Segurantzak bere gain hartzen ez dituen mediku- edo kirurgia-gastuak edo, estaliak izanik ere, adingabea zentro pribatu batera eramatea erabakitzen badute bi gurasoek, adingabearen aisialdiko jardueretan geratutakoak, edo jarduera osagarriak, goi-mailako ikasketak bezalako hezkuntza-gastuak.
4.– Bisita-araubideari dagokionez, egoera ikusirik, ez da ezartzen bisita araubiderik; halere, egoera aldatzen bada, neurriok aldatzea eskatu ahalko da.
Prozedura honetan sortutako kostuei buruz ez da ezer adierazten.
Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2. artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: (.......). Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 1872-0000-39-021416 Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, bai eta doako laguntza juridikorako eskubidea aitortua dutenak ere.
Eta epai honen bidez erabaki, agindu eta sinatzen dut.
Eta Mohamed Sidahmed Merji demandatuari behar bezalako jakinarazpena egiteko balio dezan, ematen eta sinatzen dut idazki hau Bergaran (Gipuzkoa), bi mila eta hamaseiko irailaren hamalauan.
JUSTIZIA ADMINISTRAZIOAREN LETRADUA.