Euskal Herriko Agintaritzaren Aldizkaria

198. zk., 2016ko urriaren 19a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 14 ZENBAKIKO EPAITEGIA

4416

EDIKTUA, adostasunik gabeko dibortzioari buruz bideratutako 1688/2015 prozeduraren ondoriozkoa.

Bilboko Lehen Auzialdiko 14 zenbakiko Epaitegia (Familia).

Judizioa: adostasunik gabeko dibortzioa. 1688/2015.

Demandatzailea: Brigida Bindang Nsue Ayetebe.

Abokatua: Jose Antonio Vitorica Fuertes.

Prokuradorea: Marta Pascual Miravalles.

Demandatua: Diosdado Ncogo Mitogo.

Gaia: dibortzioa.

Judizio horretan, epaia eman da 2016-04-20an. Hona hemen epaitza:

234/2016 EPAIA

Epailea: Leyre Pérez Rodríguez.

Lekua: Bilbao (Bizkaia).

Eguna: bi mila eta hamaseiko apirilaren hogeia.

Alderdi demandatzailea: Brigida Bindang Nsue Ayetebe.

Abokatua: Jose Antonio Vitorica Fuertes.

Prokuradorea: Marta Pascual Miravalles.

Alderdi demandatua: Diosdado Ncogo Mitogo.

Abokatua:

Prokuradorea:

Judizioaren gaia: dibortzioa.

EPAITZA

Osorik baiesten dut Marta Pascual Miravalles Epaitegietako prokuradoreak Brigida-Bindang Nsue Ayetebe andrearen izenean eta ordezkaritzan aurkeztutako demanda, Diosdado Ncogo-Mitogo jaunaren aurkakoa, zeina auzi-ihesean baita. Horrenbestez, haien ezkontza dibortzioz deseginda deklaratzen dut, deklarazio honi dagozkion legezko erabakiekin, eta neurri hauek hartzen ditut:

1.– Ayetebe andreari ematen diot bien seme adingabeen gaineko guraso-ahala modu esklusiboan erabiltzeko; dena den, guraso-ahalaren titulartasuna biena izango da.

2.– Ayetebe andreari ematen zaizkio bien seme adingabeen zaintza eta jagoletza, eta aitari ez zaio ezartzen bisita- edo egonaldi-erregimenik.

3.– Ncogo-Mitogo jaunak mantenu-pentsio bat ordaindu beharko du seme adingabeentzako, hilean jasotzen duen diru-sarreren % 20koa, gutxienez 100 euro hilean; Ayetebe andreak horretarko izendatutako kontu-korrontean sartu beharko du diru hori, hileko lehen bost egunetan. Diru-zenbateko hori urtero eguneratuko da, KPIaren arabera.

4.– Seme adingabeen ezohiko gastuak bi gurasoek ordainduko dituzte, erdibana.

5.– Ezkontzaren ondasun-eraentza deseginda geratzen da.

6.– XXXXX eta XXXXX seme adingabeen egoitza jagoletza duen gurasoaren egoitza izango da.

Prozesuko kostuei dagokienez, ez da berariazko erabakirik hartzen.

Jakinaraz bekie ebazpen hau dagokien erregistro zibilei, erregistro-ondorioetarako.

Aurkaratzeko modua: jakinaraz bekie ebazpen hau alderdiei, eta aditzera eman dibortzio-deklarazioari dagokionez irmoa dela, baina ez gainerako adierazpenei dagokienez; beraz, horien aurka, apelazio-errekurtsoa aurkeztu ahalko da epaitegi honetan, jakinarazpena egin eta hurrengo egunetik aurrera 20 eguneko epean, eta, betiere, Prozedura Zibilaren Legearen 455. eta hurrengo artikuluetan aurreikusitako izapideei jarraituz. Errekurtsoa Bizkaiko Probintzia Auzitegiak ebatziko du.

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da: ..... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Honela, epai honen bitartez, eman, agindu eta sinatzen du Leyre Pérez Rodríguezek, Bilboko eta bere barruti judizialeko Lehen Auzialdiko eta Instrukzioko 14 zenbakiko Epaitegiko epaileak.

Ncogo-Mitogo demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu baten bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Bilbao (Bizkaia), 2016ko apirilaren 21a.

JUSTIZIA ADMINISTRAZIOAREN LETRADUA.

Azterketa dokumentala