Euskal Herriko Agintaritzaren Aldizkaria

197. zk., 2016ko urriaren 18a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

4387

EDIKTUA, adostasunik gabeko dibortzioari buruz bideratutako 33/2016 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (Familia).

Judizioa: adostasunik gabeko dibortzioa. 33/2016.

Demandatzailea: Amanda Borja Jimenez.

Abokatua: Angela Saez Carranza.

Prokuradorea: Carmen Miral Oronoz.

Demandatua: Zerrouki Mokaddem.

Gaia: adostasunik gabeko dibortzioa.

Judizio horretan, epaia eman da 2016-09-13an. Hona hemen epaitza:

489/2016 EPAIA

Epailea: Ana Isabel Viaña Ranilla andrea.

Lekua: Barakaldo (Bizkaia).

Eguna: bi mila eta hamaseiko irailaren hamahirua.

Alderdi demandatzailea: Amanda Borja Jimenez.

Abokatua: Angela Saez Carranza.

Prokuradorea: Carmen Miral Oronoz.

Alderdi demandatua: Zerrouki Mokaddem.

Abokatua.

Prokuradorea.

Judizioko gaia: adostasunik gabeko dibortzioa.

EPAITZA

Baiesten dut Amanda Borja Jimenez andreak Zerrouki Mokaddem jaunaren aurka aurkeztutako demanda. Horrenbestez, bi alden arteko ezkontza dibortzio bidez desegina dela deklaratzen dut, deklarazioak berekin dakartzan legezko ondorio guztiekin.

Ebazpen hau irmoa denean, ofizioz jakinarazi bekio ezkontza inskribatuta dagoen erregistro zibilari, orri-bazterreko oharra egin dezan. Ez da erabakirik hartzen auzialdi honetan sortutako kostuei buruz.

Aurkaratzeko modua: Bizkaiko Probintzia Auzitegiari zuzendutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4795. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Zerrouki Mokaddem demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, auzi-ihesean den demandatuak apelazio-errekurtsoa aurkez dezake.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Barakaldo (Bizkaia), 2016ko irailaren 13a.

JUSTIZIA ADMINISTRAZIOAREN LETRADUA.

Azterketa dokumentala