Euskal Herriko Agintaritzaren Aldizkaria

197. zk., 2016ko urriaren 18a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

OSASUN SAILA

4385

EBAZPENA, 2016ko urriaren 5ekoa, Plangintza, Antolamendu eta Ebaluazio Sanitarioko zuzendariarena, Ezkerraldea-Enkarterri-Gurutzeta Erakunde Sanitario Integratuko Ikerketa Klinikoetarako Batzorde Etikoaren osaera aldatzeko dena.

Plangintza, Antolamendu eta Ebaluazio Sanitarioko zuzendariaren 2014ko urriaren 16ko Ebazpenaren bidez (urriaren 29ko EHAA, 206. zk.), Gurutzeta Ospitaleko Ikerketa Klinikoetarako Batzorde Etikoaren akreditazioa berritzea onartu zen.

Ezkerraldea-Enkarterri- Gurutzeta Erakunde Sanitario Integratuari (ESI) Ikerketa Klinikoetarako Batzorde Etikoaren osaera aldatzeko eskaera jaso da. Hori dela-eta, zenbait xedapenetan ezarritakoarekin bat etorriz –zehazki, hauetan ezarritakoa: Euskal Autonomia Erkidegoko Ikerketa klinikoetarako Batzorde Etikoen kreditazioari buruzko Osasuneko sailburuaren 1994ko irailaren 28ko Aginduaren 2. eta 6. artikuluak (urriaren 24ko EHAA, 202. zk.); Sendagaiekin egindako saiakuntzak arautzen dituen abenduaren 4ko 1090/2015 Errege Dekretuaren 13. artikulua; eta Sendagaiekiko Ikerketa Batzorde Etikoak, eta Ikerketa Klinikoen Erregistroari buruzko uztailaren 3ko 14/2007 Legea–, eta Osasun Sailaren egitura organiko eta funtzionala ezartzen duen apirilaren 9ko 195/2013 Dekretuaren 12. artikuluak ematen dizkidan eginkizunez baliatuta, honako hau.

EBAZTEN DUT:

Lehenengoa.– Luis Villoldo Ortega jauna, Zuzenbidean doktorea, Ezkerraldea-Enkarterri- Gurutzeta ESI Ikerketa Klinikoetarako Batzorde Etikoko kargutik kentzea.

Bigarrena.– José Ramón Bilbao Catalá jauna, Biologian doktorea, Ezkerraldea-Enkarterri- Gurutzeta ESI Ikerketa Klinikoetarako Batzorde Etikoko kargutik kentzea.

Hirugarrena.– Maria del Pilar Bonachía Caballero andrea, Zuzenbidean lizentziatua, Ezkerraldea-Enkarterri- Gurutzeta ESI Ikerketa Klinikoetarako Batzorde Etikoko kide izendatzea.

Laugarrena.– Ebazpenak Euskal Herriko Agintaritzaren Aldizkarian argitaratu eta hurrengo egunetik aurrera izango du eragina.

Bostgarrena.– Ebazpen honek ez dio amaiera ematen administrazio-bideari, eta, beraren aurka, interesdunak gora jotzeko errekurtsoa aurkez dezake Osasuneko sailburuordeari zuzenduta edo Plangintza, Antolamendu eta Ebaluazio Sanitarioko zuzendariari zuzenduta, hilabeteko epean, ebazpena ofizialki argitaratu eta hurrengo egunetik aurrera.

Vitoria-Gasteiz, 2016ko urriaren 5a.

Plangintza, Antolamendu eta Ebaluazio Sanitarioko zuzendaria,

IGNACIO JESÚS BERRAONDO ZABALEGUI.

Azterketa dokumentala