RSS
159. zk., 2016ko abuztuaren 23a, asteartea
- Bestelako formatuak:
- PDF (204 KB - 2 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
GETXOKO LEHEN AUZIALDIKO ETA INSTRUKZIOKO 4 ZENBAKIKO ZUZENEKO LAGUNTZA EMATEKO UNITATE PROZESALA
3669
EDIKTUA, behin betiko neurriak aldatzeari buruzko 299/2015 prozeduraren ondoriozkoa.
Getxoko Lehen Auzialdiko eta Instrukzioko 4 zenbakiko Zuzeneko Laguntza emateko Unitate Prozesala.
Judizioa: behin betiko neurriak aldatzekoa. 299/2015.
Alderdi demandatzailea: Celene Bazan Taboada.
Alderdi demandatua: Elvio Melgarejo Troche.
Gaia: behin betiko neurriak aldatzea.
Judizio horretan ebazpena eman da, eta honela dio hitzez hitz:
69/2016 EPAIA
Epailea: Maria Cristina Fernandez Fernandez.
Lekua: Getxo (Bizkaia).
Eguna: bi mila eta hamaseiko uztailaren hamaika.
Alderdi demandatzailea: Celene Bazan Taboada.
Abokatua: Susana Gonzalez Perez.
Prokuradorea: Maria Victoria Guillen Ortego.
Alderdi demandatua: Elvio Melgarejo Troche.
Abokatua.
Prokuradorea.
Judizioaren gaia: behin betiko neurriak aldatzea, auzi-ihesean.
Nik, María Cristina Fernández Fernández-ek, udalerri honetako lehen auzialdiko eta instrukzioko 4 zenbakiko epaitegiko epaile-magistratu titular naizen honek, ikusi ditut behin betiko neurriak aldatzeari buruzko auto hauek (299/2015 zk.), zeinak epaitegi honetan izapidetu baitira. Celene Bazan Taboada-k egin du eskaera, Guillén Ortego prokuradoreak ordezkatuta eta González Pérez letraduak lagunduta, Elvio Melgarejo Troche auzi-iheslariaren aurka; Fiskaltza ere parte da. Hori horrela, hauxe da
EPAITZA
Baietsi egiten dut neurriak aldatzeko demanda, Guillén Ortego prokuradoreak planteatua, Celene Bazan Taboada-ren izenean eta ordez. Horrenbestez, behin betikotzat hartzen dira 2015eko azaroaren 19ko eta 2016ko urtarrilaren 11ko autoetan hartutako neurriak, eta baldintza hauetan ezarrita geratzen dira:
– Gurasoek elkarri emandako baimenak eta ahalak errebokaturik geratzen dira, eta, hartarako hitzarmenik ez badago, etxe-ahalaz baliatuaz bestearen ondasun pribatiboak lotetsi ahal izateko aukera bertan behera uzten da.
– Celene Bazan Taboada-ri ematen zaizkio elkarrekin duten Egoitz Melgarejo Bazan semearen zaintza eta jagoletza. Guraso-ahala ere Celene Bazan Taboada-k erabili ahal izango du modu esklusiboan.
– Ez da aitaren aldeko bisita-erregimenik ezarriko.
– Aitak lagundu egin beharko du familia-kargak ordaintzen, bere lanaren truke jasotzen dituen diru-sarreren % 20arekin (gutxienez 150 euro hilero); hilabete bakoitzaren lehenengo bost egunen barruan ordaindu beharko du diru hori, jagoletza duenak horretarako izendatzen duen kontu korronte edo aurrezki-libretan. Kopuru hori urtero eguneratuko da, urte bakoitzeko urtarrilaren batetik aurrerako ondorioekin, KPIak dituen aldaketen arabera. Ebazpen hau betearazteko aldian, zordunak egin beharreko ekarpenak egiten ez baditu, komeni diren berme eta kautelazko neurriak hartuko dira, ebazpenak eragina izan dezan.
– Ezohiko gastuak guraso biek ordainduko dituzte, bakoitzak % 50.
Kostuei dagokienez, ez da erabakirik hartu.
Jakinaraz bekie ebazpen hau alderdiei, eta aditzera eman epaia ez dela irmoa eta haren aurka apelazio-errekurtsoa aurkez dezaketela hogei eguneko epean, jakinarazpenetik aurrera zenbatuta. Horretarako, diru-kopuru zehatz bat gordailatzeari dagokionez, kontuan hartu beharko da Botere Judizialaren uztailaren 1eko 6/1985 Lege Organikoaren hamabosgarren xedapen gehigarrian xedatutakoa. Xedapen hori lege honek ezarritako erreformaren bidez gehitu zen: 1/2009 Lege Organikoa, azaroaren 3koa, Bulego Judizial berria ezartzeko legeria prozesala erreformatzen duen Legearen osagarria.
Eta epai hau, auzialdi honetan epaitu baita, erabaki, agindu eta sinatu dut.
Alderdi demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.
Getxo (Bizkaia), 2016ko uztailaren 12a.
JUSTIZIA ADMINISTRAZIOAREN LETRADUA.
