RSS
143. zk., 2016ko uztailaren 28a, osteguna
- Bestelako formatuak:
- PDF (223 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BERGARAKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA
3362
EDIKTUA, ezkontzaz kanpoko seme-alabentzako neurrietarako 136/2016 prozeduraren ondoriozkoa.
JAKINARAZPEN-ZEDULA
Bergarako Lehen Auzialdiko 1 zenbakiko Epaitegian (Gipuzkoa), ezkontzaz kanpoko seme-alabentzako neurriei buruzko 136/2016 prozedura bideratu da, Yeselkis Bonilla Peñak eskatuta, Jonathan Juma Mejias-en aurka. Prozedura horren gainean epaia eman da. Hona hemen idazpurua eta epaitza:
76/2016 EPAIA
Epailea: Maria Angela Rodriguez-Monsalve Navarro.
Lekua: Bergara (Gipuzkoa).
Data: 2016ko ekainaren 29a.
Alderdi demandatzailea: Yeselkis Bonilla Peña.
Abokatua: Maria Rosario Gomez Rodriguez.
Prokuradorea: Josefina Llorente Lopez.
Alderdi demandatua: Jonathan Juma Mejias.
Judizioaren xedea: banantze edo dibortziotik eratorritako neurriak.
EPAITZA
Partez baiesten dut Diomis Yeselkis Bonilla Peñaren ordezkaritza prozesalak aurkeztutako demanda, Jonathan Juma Mejias-en aurkakoa. Horrenbestez, gurasoen eta seme-alaben arteko harremana arautzeko neurri hauek hartzen ditut:
1.– Bi gurasoei esleitzen zaie guraso-ahalaren titulartasuna.
2.– Amari ematen diot guraso-ahala modu esklusiboan erabiltzeko baimena.
3.– Seme adingabearen zaintza eta jagoletza amari esleitzen dizkiot.
4.– Ez da aitaren aldeko bisita-erregimenik ezartzen.
5.– Ez da ezartzen aitaren kargura adingabearen aldeko elikagai-pentsiorik.
Prozedura honetan sortutako kostuei buruz ez da ezer adierazten.
Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2. artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan (kontuaren zenbakia: 1872 0000 000136 0052 16, Dirua sartu izanaren agirian, kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».
Eta epai honen bidez erabaki, agindu eta sinatzen dut.
Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Epaiari dagokion egunean, jendaurreko entzunaldia egiten ari zelarik, epaia eman zuen epaile magistratuak berak eman, irakurri eta argitaratu zuen. Eta nik, idazkari judiziala naizenez, guzti horren fede ematen dut Bergaran, bi mila eta hamaseiko ekainaren hogeita bederatzian.
Jonathan Juma Mejias demandatuari behar bezala jakinarazpena egiteko balio dezan ematen eta sinatzen dut ediktu hau, Bergaran (Gipuzkoa), bi mila eta hamaseiko ekainaren hogeita bederatzian.
IDAZKARIA.