Euskal Herriko Agintaritzaren Aldizkaria

127. zk., 2016ko uztailaren 5a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO MERKATARITZA ARLOKO 1 ZENBAKIKO EPAITEGIA

2959

EDIKTUA, administratzailearen erantzukizuna eskatzeko 407/2014 prozedura arruntaren ondoriozkoa.

Bilboko Merkataritzako 1 zenbakiko Epaitegia.

Judizioa: 407/2014 prozedura arrunta.

Demandatzailea: Apro Inoxidables, S.A.

Abokatua: Inmaculada Concepción, Oses Garcia.

Prokuradorea: Mónica Gallego Castañiza.

Demandatuak: Josefa Enriquez Santiago eta Gasale, S.L.

Gaia: administratzaileen erantzukizuna.

Judizio horretan, epaia eman da 2015-09-17an. Hona hemen epaitza:

EPAITZA

1.– Osorik baiesten dut Mónica Gallego Castañiza prokuradoreak ordezkaturik Apro Inoxidables, S.A.k aurkeztutako demanda, Gasale, S.L.ren eta Josefa Enríquez Santiagoren aurkakoa, zeinak auzi-ihesean baitira.

2.– Gasale, S.L. eta Josefa Enríquez Santiago kondenatzen ditut Apro Inoxidables, S.A.ri zazpi mila berrehun eta hogeita sei euro eta hamabi zentimo (7.226,12) solidarioki ordaintzera.

3.– Gasale, S.L. eta Josefa Enríquez Santiago kondenatzen ditut auzi-jartzaileari, faktura bakoitzaren epemugatik, zenbateko horrek eragindako legezko interesa solidarioki ordaintzera.

Gainera, zorraren zenbateko osoaren berandutze-interesa sortuko da, bi puntu gehitua, ebazpen hau irmo egiten denetik aurrera, PZLko 576. artikuluan araututako prozesuko interes gisa.

4.– Kostuak alderdi demandatuei ezartzen zaizkie.

Aurkaratzeko modua: apelazio-errekurtsoa, Bizkaiko Probintzia Auzitegian (PZL, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: ....... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenean salbuesten direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Josefa Enríquez Santiago eta Gasale, S.L. demandatuen egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, demandatu auzi-iheslariak apelazio-errekurtsoa aurkez dezake, hogei egun balioduneko epean.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Bilbao (Bizkaia), 2016ko maiatzaren 23a.

JUSTIZIA ADMINISTRAZIOAREN LETRADUA.

Azterketa dokumentala