Euskal Herriko Agintaritzaren Aldizkaria

119. zk., 2016ko ekainaren 23a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN ETA LEHIAKORTASUN SAILA

2718

EBAZPENA, 2016ko maiatzaren 31koa, Nekazaritza eta Abeltzaintzako zuzendariarena, 425. ikastarotik 430. ikastarora bitarteko ikasleei honako txartel hauek ematea baimentzeko dena: landare-osasunerako produktuak aplikatzeko oinarrizko mailako eta maila kualifikatuko txartelak.

GERTAKARIAK

Lehenengoa.– Arkauteko eta Fraisoroko nekazaritza-eskolek, EHNE Gipuzkoa sindikatuak eta Euskal Herriko Nekazaritza Ingenieri Teknikoen Elkargo Ofizialak ikastaro hauek eman dituzte:

– 425. ikastaroa, Arkauteko Nekazaritza Eskolak emandakoa: 2M profesionaltasun-ziurtagiria, (SEAG0110) izurriteak kontrolatzeko Zerbitzua, landare-osasunerako produktuak aplikatzekoa, mailakoa kualifikatukoa, C motako txartela eskuratzeko eskubidea dakarrena.

– 426. ikastaroa, Arkauteko Nekazaritza Eskolak Arespaldizan emandakoa: landare-osasunerako produktuak aplikatzekoa, oinarrizko mailakoa, B motako txartela eskuratzeko eskubidea dakarrena.

– 427. ikastaroa, Arkauteko Nekazaritza Eskolak online emandakoa: landare-osasunerako produktuak aplikatzekoa, oinarrizko mailakoa, B motako txartela eskuratzeko eskubidea dakarrena.

– 428. ikastaroa, Fraisoroko Nekazaritza Eskolak Oñatin emandakoa: landare-osasunerako produktuak aplikatzekoa, oinarrizko mailakoa, B motako txartela eskuratzeko eskubidea dakarrena.

– 429. ikastaroa, EHNE Gipuzkoa sindikatuak Anoetan emandakoa: landare-osasunerako produktuak aplikatzekoa, oinarrizko mailakoa, B motako txartela eskuratzeko eskubidea dakarrena.

– 430. ikastaroa, Euskal Herriko Nekazaritza Ingenieri Teknikoen Elkargo Ofizialak emandakoa: landare-osasunerako produktuak aplikatzekoa, mailakoa kualifikatukoa, tituluak baliozkotzea, C motako txartela eskuratzeko eskubidea dakarrena.

Irailaren 14ko 1311/2012 Errege Dekretuaren IV. eranskineko A zatian –oinarrizko mailari dagokionez–, eta B zatian –maila kualifikatuari dagokionez– jasotzen diren edukia eta ikastorduak kontuan hartuta eman dira sei ikastaro horiek, eta hurrenez hurren B eta C motako txartelak eskuratzeko eskubidea dakarte. Dekretu horren bitartez, landare-osasunerako produktuak modu jasangarrian erabili ahal izateko jardun-esparrua ezartzen da.

Bigarrena.– Landare Osasunaren Batzorde Teknikoaren koordinatzaileak txartelak ematearen aldeko proposamena egin du.

Ikusi dira, halaber, hauek:

ZUZENBIDEKO OINARRIAK

Lehenengoa.– 1311/2012 Errege Dekretuaren 18.1.a) artikulua, gaitze-mailei buruzkoa, eta IV. eranskina, prestakuntza-gaiei buruzkoa; eta 20. artikulua, txartelak egin, berritu eta kentzeari buruzkoa.

Bigarrena.– Ekonomiaren Garapen eta Lehiakortasun Sailaren egitura organiko eta funtzionala ezartzen duen apirilaren 9ko 190/2013 Dekretuaren 20.1.b) artikulua, non landare-osasunaren alorreko eginkizunak Nekazaritzako eta Abeltzaintzako Zuzendaritzari ematen zaizkion. Horrenbestez, hau

EBAZTEN DUT:

Lehenengoa.– Nekazaritzan produktu fitosanitarioak aplikatzeko txartelak emateko agintzea:

1) 425. ikastaroko maila kualifikatukoa, ebazpen honetako I. eranskinean jasotako zerrendan diren pertsonentzat.

2) 426. ikastaroko oinarrizko mailakoa, ebazpen honetako II. eranskinean jasotako zerrendan diren pertsonentzat.

3) 427. ikastaroko oinarrizko mailakoa, ebazpen honetako III. eranskinean jasotako zerrendan diren pertsonentzat.

4) 428. ikastaroko oinarrizko mailakoa, ebazpen honetako IV. eranskinean jasotako zerrendan diren pertsonentzat.

5) 429. ikastaroko oinarrizko mailakoa, ebazpen honetako V. eranskinean jasotako zerrendan diren pertsonentzat.

6) 430. ikastaroko maila kualifikatukoa, ebazpen honetako VI. eranskinean jasotako zerrendetan diren pertsonentzat.

Bigarrena.– Ebazpen honen aurka, interesdunek gora jotzeko errekurtsoa jar diezaiokete Nekazaritzako, Arrantzako eta Elikagai Politikako sailburuordeari. Horretarako, hilabeteko epea izango dute, ebazpena argitaratzen den egunetik aurrera.

Vitoria-Gasteiz, 2016ko maiatzaren 31.

Nekazaritza eta Abeltzaintzako zuzendaria,

IKERNE ZULUAGA ZAMALLOA.

(Ikus .PDF)

Azterketa dokumentala