Euskal Herriko Agintaritzaren Aldizkaria

115. zk., 2016ko ekainaren 17a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 8 ZENBAKIKO ZUZENEKO LAGUNTZA EMATEKO UNITATE PROZESALA

2637

EDIKTUA, adostasunik gabeko dibortzioaren gainean bideratutako 654/2015 prozeduraren ondoriozkoa.

Zuzeneko Laguntza Zibila emateko Unitate Prozesala – Vitoria-Gasteizko Lehen Auzialdiko 8 zenbakiko Epaitegia.

Judizioa: adostasunik gabeko 654/2015 dibortzioa.

Demandatzailea: Begoña Chasco Martinez.

Abokatua: Dolores de Mora-Granados Marchan.

Prokuradorea: Isabel Gómez Pérez de Mendiola.

Demandatua: Christian Henrique Cavadas Encarnacao.

Gaia: adostasunik gabeko dibortzioa.

Judizio horretan, epaia eman da 2016-05-11n. Hona hemen epaitza:

280/2016 EPAIA

Epailea: Cristina Navarro Gil andrea.

Lekua: Vitoria-Gasteiz.

Eguna: bi mila eta hamaseiko maiatzaren hamaika.

Alderdi demandatzailea: Begoña Chasco Martinez.

Abokatua: Dolores de Mora-Granados Marchan.

Prokuradorea: Isabel Gómez Pérez de Mendiola.

Alderdi demandatua: Christian Henrique Cavadas Encarnacao.

Abokatua.

Prokuradorea.

Judizioko gaia: dibortzioa.

EPAITZA

Epaitegietako Gómez prokuradoreak aurkeztutako demanda baiesten dudanez gero, Christian Henrique Cavada Encarnacao-k eta Begoña Chasco Martínez-ek osatutako ezkontza desegin dadila erabakitzen du, horrek dakartzan ondorio guztiekin.

Christian jaunaren eta Begoña andrearen arteko harremanak, eta haien eta euren seme adingabekoaren artekoak, honako neurri hauen bidez arautuko dira:

1.– Seme adingabearen zaintza eta jagoletza amari esleitzen dizkiot, eta guraso-ahala, berriz, guraso biek izango dute.

2.– Jagoletza ez duen gurasoaren aldeko bisita-erregimenik ez da ezartzen.

3.– Mantenu-pentsioa: adingabekoarentzako mantenu-pentsio bat finkatzen da, aita Christian Cavada-ren kargura, zeina hileko 300 eurokoa izango baita; horrez gain, INEk argitara emandako KPIaren arabera eguneratuko da, eta hilabete bakoitzeko lehen bost egunen barruan ordaindu beharko da, amak izendatutako kontu-zenbakian.

Aparteko gastuak bi gurasoek ordainduko dituzte, erdibana, betiere aurretik gastu horiek era frogagarrian egiaztatu eta jakinarazi ondoren. Honako hauek jotzen dira aparteko gastutzat: medikuak, ortodontziak, ortopedikoak eta optikakoak, Gizarte Segurantzak bere gain hartzen ez baditu. Bestalde, honako hauek ere jotzen dira aparteko gastutzat: unibertsitateko matrikulak, jarduera akademikoari ekiteko –urte bakoitzeko irailean– eskuratu behar diren testu-liburuak; ikasketa-bidaiak; eskolaz kanpoko aktibitateak; eta udalekuak; guztiak ere, aldez aurretik guraso biek adostutakoak badira.

4.– Adingabeko semeari eta Chasco andreari esleitzen zaie familia-etxebizitza eta bai horren gozamena ere, harik eta semea adin-nagusira ailegatu eta ekonomikoki burujabe egin arte.

Prozesuko kostuen inguruko erabakirik ez da hartu.

Jakinaraz bekio epai hau, irmoa denean, auzi honetako auzilarien ezkontza erregistratuta dagoen Erregistro Zibilari.

Eraman bedi testigantza auto nagusietara eta utzi jatorrizkoa dagokion liburuan.

Christian Henrique Cavadas Encarnacao demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, auzi-ihesean den demandatuak apelazio-errekurtsoa aurkez dezake.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Vitoria-Gasteiz, 2016ko maiatzaren 12a.

JUSTIZIA ADMINISTRAZIOAREN LETRADUA.

Azterketa dokumentala