Euskal Herriko Agintaritzaren Aldizkaria

99. zk., 2016ko maiatzaren 26a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

OGASUN ETA FINANTZA SAILA

2240

AGINDUA, 2016ko maiatzaren 5ekoa, Ogasun eta Finantzetako sailburuarena, zeinaren bidez Ogasun eta Finantza Sailak izendatzen baititu Euskal Autonomia Erkidegoko Herri Administrazioko Dokumentazioaren Balioespen, Hautapen eta Sarbide Batzordea (COVASAD) osatzen duten pertsonak.

Euskal Autonomia Erkidegoko Herri Administrazioaren Artxiboen Sistemaren Antolamenduari eta Funtzionamenduari buruzko uztailaren 22ko 174/2003 Dekretuaren II. kapituluaren bigarren atalean arautzen denez, Aholkularitza Organoa arduratuko da administrazio honek sortzen dituen dokumentu-serieez. Horrela, dekretu horren 15. artikuluan xedatzen da batzorde horren osaera, zeina Ogasun eta Herri Administrazioko sailburuaren 2005eko abenduaren 19ko Aginduan garatzen baita –dokumentuak identifikatu eta baloratzeko prozedurari eta Euskal Autonomia Erkidegoko Herri Administrazioko Dokumentazioaren Balioespen, Hautapen eta Sarbide Batzordearen (COVASAD) funtzionamenduari buruzkoa–.

Arau horien arabera, Ogasun eta Finantzetako sailburuaren izendapenez, hauek izan behar dira batzorde horren partaide: Lehendakari bat, Baliabide orokorren zuzendaria; lehendakariorde bat, Artxibo Sistemaren Kudeaketako Zerbitzuaren burua; eta hiru bide (Artxibo Sistemaren Kudeaketako Zerbitzuko bi artxibozain teknikari eta saileko letradu bat). Halaber, dekretu horren 15.1 f) artikuluaren arabera, «ikerketa zientifiko eta historikoko ordezkari bat, Historia Garaikidean edo Zuzenbidearen Historian espezialista...» ere izango da batzorde horren kide, Ogasun eta Herri Administrazio Sailak izendatuko duena, eta, bigarren atalean eransten denez, «sail bakoitzeko titularrak izendatuko ditu batzordeko bokalak».

Hori guztia aintzat harturik, eta, dekretu horretan aurreikusia gauzatzeko, Ogasun eta Finantza Sailaren egitura organiko eta funtzionala ezartzeko apirilaren 9ko 192/2013 Dekretuan xedatuarekin bat etorriz, eta indarrean dauden legeek alorrean dizkidaten ahalmenak erabiliz, hau,

EBAZTEN DUT:

Lehenengoa.– Hauek izendatzea Euskal Autonomia Erkidegoko Herri Administrazioaren Artxiboen Sistemaren Antolamenduari eta Funtzionamenduari buruzko uztailaren 22ko 174/2003 Dekretuan aurreikusitako Balioespen, Hautapen eta Sarbide Batzordearen (COVASAD) kide:

Lehendakaria:

Joakin Telleria Agirrezabala, Baliabide Orokorren zuzendaria, edo berak eskuordetutako pertsona.

Lehendakariordea:

Enriqueta Sesmero Cutanda, Euskal Autonomia Erkidegoko Herri Administrazioaren Artxibo, Liburutegi eta Argitalpen Zerbitzuko arduraduna.

Batzordekideak:

– Irune Zumalde Igartua, Euskal Autonomia Erkidegoko Herri Administrazioaren Dokumentazio, Katalogazio eta Artxibo arloko arduraduna.

– Miren Estíbaliz Torres Bilbao, Euskal Autonomia Erkidegoko Herri Administrazioaren Artxibo, Liburutegi eta Argitalpen Zerbitzuko teknikaria.

– Gema Fernandez Trueba, Ogasun eta Finantza Saileko letradua.

– Jose Antonio Pérez Pérez, EHU/UPVko Historia Garaikidea Saileko irakaslea eta Valentín de Foronda Historia Sozialeko Institutuko kidea.

Bigarrena.– Agindu honek Euskal Herriko Agintaritzaren Aldizkarian argitaratu eta hurrengo egunetik izango ditu ondorioak.

Vitoria-Gasteiz, 2016ko maiatzaren 5a.

Ogasun eta Finantzetako sailburua,

RICARDO GATZAGAETXEBARRIA BASTIDA.

Azterketa dokumentala