RSS
94. zk., 2016ko maiatzaren 19a, osteguna
- Bestelako formatuak:
- PDF (231 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DONOSTIA-SAN SEBASTIÁNGO LEHEN AUZIALDIKO 3 ZENBAKIKO EPAITEGIA
2110
EDIKTUA, adostasunik gabeko dibortzioari buruz bideratutako 501/2015 prozeduraren ondoriozkoa.
JAKINARAZPEN-ZEDULA
Donostiako Lehen Auzialdiko 3 zenbakiko Epaitegian, adostasunik gabeko dibortzioari buruzko 501/2015 hitzezko judizioa bideratu da, Alicia Veronica Basantes Pachuchok eskatuta, Nestor Alcides Franco Mero-ren aurka. Prozedura horretan epaia eman da. Hona hemen idazpurua eta epaitza:
100/2016 EPAIA
Epailea: Maria De Pablo Guerrero andrea.
Lekua: Donostia.
Data: 2016-03-30.
Alderdi demandatzailea: Alicia Veronica Basantes Pachucho.
Abokatua.
Prokuradorea: Tomás Salvador Palacios.
Alderdi demandatua: Nestor Alcides Franco Mero.
Abokatua.
Prokuradorea.
Judizioko gaia: dibortzioa.
ERABAKITZEN DUT:
Osorik baiesten da Tomás Salvador epaitegietako prokuradoreak, Alicia Verónica Basantes Pachucho-ren izenean eta ordez aurkeztutako demanda, Nestor Alcides Franco Mero-ren aurkakoa. Horrenbestez, Iruñean 2011ko ekainaren 2an egin zen ezkontza –Alicia Verónica Basantes Pachucho andrearen eta Nestor Alcides Franco Mero jaunaren artekoa– dibortzio bidez desegindakotzat deklaratzen dut. Legezko ondorio guztiak izango ditu deklarazio horrek, baina ez du fede oneko hirugarrenik kaltetuko, harik eta Erregistro Zibilean inskribatzen den arte.
Alderdi bati ere ez zaio ezartzen prozesuko kosturik.
Epai hau irmo bihurtzen denean, dibortzioaren gaineko adierazpenaren ondoriozko irmotasuna lortuta, idazkari judizialak erabakiko du Erregistro Zibilari ofizioz jakinaraz dakiola, dagozkion idazpenak egin daitezen (Prozedura Zibileko Legearen 755. artikulua).
Eta lehen auzialdi honetan behin betiko epaituz, erabaki eta sinatu dut.
Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta zein diren apelatutako ebazpena eta aurkaratutako erabakiak (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da: ES55 0049 3569 92 0005001274 1847 0000 00 0501 15. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena: epaiari dagokion egunean, jendaurreko entzunaldia egiten ari zelarik, epaia eman zuen Epaileak berak eman, irakurri eta argitaratu zuen. Eta nik, Justizia Administrazioaren letradua naizenez, horren guztiaren fede ematen dut, Donostian, bi mila eta hamaseiko martxoaren hogeita hamarrean.
Demandatuari, Nestor Alcides Franco Mero jaunari, legez jarritako moduan jakinarazteko egin eta sinatzen dut ediktu hau, Donostian, bi mila eta hamaseiko martxoaren hogeita hamaikan.
IDAZKARIA.
