RSS
93. zk., 2016ko maiatzaren 18a, asteazkena
- Bestelako formatuak:
- PDF (220 KB - 4 orri.)
- EPUB (199 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HEZKUNTZA, HIZKUNTZA POLITIKA ETA KULTURA SAILA
2087
EBAZPENA, 2016ko maiatzaren 2koa, Hezkuntza, Hizkuntza Politika eta Kultura Saileko Langileriaren Kudeaketako zuzendariarena, zeinaren bitartez ondoriorik gabe uzten baita zuzendari horren 2015eko urriaren 19ko Ebazpena, Euskal Autonomia Erkidegoko Justizia Auzitegi Nagusiko administrazioarekiko auzien salaren 827/2010 epaia betetzeko emana, Maider Arizmendiarrieta Astarloa andreak jarritako administrazioarekiko 629/09 auzi-errekurtsoan. Horrenbestez, aipatutako epaia betearazten da, Euskal Autonomia Erkidegoko Justizia Auzitegi Nagusiko administrazioarekiko auzien salaren autoan adierazitako baldintzetan, zeina 2016ko martxoaren 16an eman baitzen, 60/2015 betearazpen-prozeduran.
Lehenengoa.– 2010eko azaroaren 29an, Euskal Autonomia Erkidegoko Justizia Auzitegi Nagusiaren administrazioarekiko auzien salak 827/2010 epaia eman zuen, eta, horren bidez, baietsi egin zuen Maider Arizmendiarrieta Astarloak jarritako administrazioarekiko 629/09 auzi-errekurtsoa, Hezkuntza, Unibertsitate eta Ikerketa Saileko Langileriaren Kudeaketako zuzendariaren 2008ko uztailaren 30eko Ebazpenaren kontra jarritako gora jotzeko errekurtsoaren ustezko ezespenaren aurkakoa (ebazpen horretan eman ziren argitara irakasle-kidegoan sartzeko hautaketa-prozesua gainditu zuten izangai hautatuen behin betiko zerrendak, 2008-08-08ko EHAA) eta Hezkuntza, Unibertsitate eta Ikerketako sailburuaren 2009ko apirilaren 29ko Aginduaren aurkakoa (agindu horrek berariaz ezetsi zuen jarritako gora jotzeko errekurtsoa). 2008ko uztailaren 30eko ebazpen hori baliogabetu egin zuen epaiak: Osasun-prozesuen espezialitateko izangaien zerrenda aldatu egin behar da; izan ere, Tellería Aldazen merezimenduen baremotik atera behar da zenbait espezialitatetako irakaskuntza-esperientzia, horretarako gaitzen zuen titulurik ez zuelako (Osasun prozesu eta diagnostiko kliniko eta ortoprotesikoak). Horrenbestez, Tellería andrea kanpoan geratuko balitz, zerrendako hurrengo hautagaia sartu beharko litzateke.
Bigarrena.– Irantzu Telleria Aldaz hautatua izan zen, guztira 6,7624 puntu izanik, Bigarren Hezkuntzako irakasleen kidegoan, Osasun-prozesuen espezialitatean, Hezkuntza, Unibertsitate eta Ikerketako sailburuaren 2007ko azaroaren 19ko Aginduaren bidez deitutako hautaketa-prozesuan.
Hirugarrena.– Aipatutako epaia betearazteko, Langileriaren Kudeaketako zuzendariaren 2015eko urriaren 19ko Ebazpena eman zen, zeinaren bidez aldatu egin baitziren Langileriaren Kudeaketako zuzendariaren 2008ko uztailaren 18ko eta 30eko Ebazpenak, 2008ko uztailaren 18ko Ebazpenean argitara eman ziren lehiaketa-faseko izangaien behin betiko puntuazioak; 2008ko uztailaren 30eko Ebazpenean argitara eman ziren hautatutako izangaien behin betiko zerrendak, Hezkuntza, Unibertsitate eta Ikerketako sailburuaren 2007ko azaroaren 19ko Aginduaren bidez deitutako irakasle-kidegoan sartzeko hautaketa-prozesuan. Horren ondorioz, merezimendu-baremoko 1.1 azpiataletik baztertu egin zen Irantzu Telleria Aldaz andrearen irakaskuntza-esperientziaren 3 urte eta 3 hilabeteko zenbaketa 2000-2001, 2002-2003, 2003-2004 eta 2004-2005 ikasturteetan, titulaziorik ez daukan espezialitateetan; beste alde batetik, ikasturte horietako bakoitzean lanbide-heziketako irakasle teknikoen kidekoko espezialitateei dagozkien moduluak ere eman zituenez (espezialitate horietarako gaitzen duen titulazioa dauka), ikasturte horietan irakaskuntza-esperientziaren 3 urte eta 3 hilabete zenbatu zitzaizkion 1.2 azpiatalean; esperientzia horregatik puntuazio txikiagoa eman zitzaion 1.1 azpiatalean esleitutako puntuazioa baino.
Horren ondorioz, izangai horrek, irakaskuntza-esperientziari buruzko merezimendu-baremoaren 1. atalean, 2,2752 puntu izatera igaro zen; merezimendu-fasearen zenbaketa globalean, berriz, 5,0252; lehiaketa-fasean eta oposizio-fasean haztatutako puntuazioen baturaren emaitza 6,3073 puntukoa izatera igaro zen. Kontuan hartuta Bigarren Hezkuntzako irakasleen kidegoaren Osasun-prozesuen espezialitatean hautatutako azken izangaiak guztira 6,2980 puntu lortu zituela, Irantzu Telleria Aldaz andrea hautatutako izangaien behin betiko zerrendan zegoen.
Laugarrena.– Maider Arizmendiarrieta Astarloak, 2015eko abenduaren 14an, aipatutako epaiaren betearazpen-intzidentea sustatu zuen, eta, horren bidez, eginiko betearazpena bidegabeko deklaratzeko eskatu zuen. 2016ko martxoaren 16an, Euskal Autonomia Erkidegoko Justizia Auzitegi Nagusiaren administrazioarekiko auzien salak autoa eman zuen eta, horren bidez, baietsi egin zuen aipatutako betearazpen-intzidentea, eta Langileriaren Kudeaketako zuzendariaren 2015eko urriaren 19ko Ebazpenaren deuseztasuna deklaratu zuen. Ondorioz, xedapen-zatian adierazitako baldintzetan betearazi behar da epaia, eta, horren arabera, merezimendu-baremotik kendu egin behar dira epaian adierazitakoak, eta, gainerakoan, mantendu egin behar dira aurkaratutako ebazpenean eginiko balorazioak.
Bosgarrena.– Hezkuntza, Hizkuntza Politika eta Kulturako sailburuaren 2016ko apirilaren 13ko Aginduaren bidez, aipatutako betearazpen-autoa betetzea xedatzen da.
Seigarrena.– Autoan xedatutakoa gauzatzeko, Irantzu Telleria Aldaz andrearen merezimendu-baremotik kendu egin behar da 2000-2001, 2002-2003, 2003-2004 eta 2004-2005 ikasturteetan lortutako irakaskuntza-esperientzia (3 urte eta 3 hilabete); ondorioz, Irantzu Telleria Aldaz andrearen puntuazioa lehiaketa-fasean honela geratzen da:
1.1 azpiatala: 0 puntu.
1.2 azpiatala: 1,1376 puntu (3 urte eta 3 hilabete).
1. atala (irakaskuntza-esperientzia): 1,1376.
Merezimendu-faseko puntuak guztira: 3,8876.
Horren ondorioz, gutxitu egiten zaio Bigarren Hezkuntzako irakasleen kidegoaren Osasun-prozesuen espezialitatean hautatutako izangaien behin betiko zerrendan lortutako guztirako puntuazioa; horrenbestez, lehiaketa- eta oposizio-faseetan haztatutako puntuazioen batura 5,8522 izatera igaroko da.
Osasun-prozesuen espezialitatean hautatutako azken izangaiak 6,2980 puntu lortu zituen guztira eta Maider Arizmendiarrieta Astarloa ordezko lehenengo izangaiak 6,2844 puntu lortu zituen guztira (Irantzu Telleria Aldaz andreari dagokion puntuazioa baino handiagoa).
2007ko azaroaren 19ko Aginduaren 10.3 oinarrian aurrez ikusitakoaren arabera, «Hautaketa-organoek, espezialitate bakoitzerako hautatu dituzten izangaien zerrendarekin batera, beste zerrenda ordenatu bat ere prestatuko dute hautatutako izangai ordezkoekin, zerrendakide-kopuru bera izango duena, aurkez daitezkeen errekurtsoak onetsiz gero, hautatutako izangairen batek izaera hori galtzen badu edo.»
Ondorioz, Irantzu Telleria Aldaz, 5,8522 punturekin, kendu egin behar da Bigarren Hezkuntzako irakasleen kidegoko Osasun-prozesuen espezialitatean hautatutako izangaien behin betiko zerrendatik, eta lehenengo izangai ordezkoa, Maider Arizmendiarrieta Astarloa, 6,2844 punturekin, sartu egin behar da behin betiko zerrenda horretan.
Azaldutakoa dela bide,
EBAZTEN DUT:
Lehenengoa.– Ondoriorik gabe uztea Langileriaren Kudeaketako zuzendariaren 2015eko urriaren 19ko Ebazpena, zeinaren bitartez aldatzen baitira Langileriaren Kudeaketako zuzendariaren 2008ko uztailaren 18ko eta 30eko Ebazpenak, Maider Arizmendiarrieta Astarloa andreak jarritako administrazioarekiko 629/09 auzi-errekurtsoan Euskal Autonomia Erkidegoko Justizia Auzitegi Nagusiaren administrazioarekiko auzien salak emandako 827/2010 epaia betetzeko xedeaz. 2008ko uztailaren 18ko Ebazpenean, argitara eman ziren lehiaketa-faseko izangaien behin betiko puntuazioak; 2008ko uztailaren 30eko Ebazpenean, argitara eman ziren hautatutako izangaien behin betiko zerrendak, Hezkuntza, Unibertsitate eta Ikerketako sailburuaren 2007ko azaroaren 19ko Aginduaren bidez deitutako irakasle-kidegoan sartzeko hautaketa-prozesuan.
Bigarrena.– Aldatzea Langileriaren Kudeaketako zuzendariaren 2018ko uztailaren 18ko Ebazpena, zeinaren bidez argitara eman baitziren lehiaketa-faseko izangaien behin betiko puntuazioak, Hezkuntza, Unibertsitate eta Ikerketako sailburuaren 2007ko azaroaren 19ko Aginduaren bidez deitutako irakasle-kidegoetan sartzeko hautaketa-prozesuan; izan ere, Irantzu Telleria Aldaz andreari lehiaketa-fasean eman zitzaion puntuazioa aldatuko da, eta hau izatera igaroko da:
1.1 azpiatala: 0 puntu.
1.2 azpiatala: 1,1376 puntu (3 urte eta 3 hilabete).
1 atala (irakaskuntza-esperientzia): 1,1376.
Merezimendu-faseko puntuak guztira: 3,8876.
Hirugarrena.– Aldatzea Langileriaren Kudeaketako zuzendariaren 2018ko uztailaren 30eko Ebazpena, zeinaren bidez argitara eman baitziren hautatutako izangaien behin betiko zerrendak, Hezkuntza, Unibertsitate eta Ikerketako sailburuaren 2007ko azaroaren 19ko Aginduaren bidez deitutako irakasle-kidegoetan sartzeko hautaketa-prozesuan. Aldaketa hauek egin behar dira:
– Irantzu Telleria Aldaz andreak hautaketa-prozesuan lortu duen guztizko puntuazioa aldatzea, lehiaketa- eta oposizio-faseetako puntuazio haztatuak batuta; puntuazio hori 5,8522 izatera igaroko da.
– Irantzu Telleria Aldaz andrea hautatutako izangaien behin betiko zerrendatik kentzea Bigarren Hezkuntzako irakasle-kidegoko Osasun-prozesuen espezializazioan.
– Maider Arizmendiarrieta Astarloa andrea, 6,2844 punturekin, hautatutako izangaien behin betiko zerrendan sartzea Bigarren Hezkuntzako irakasle-kidegoko Osasun-prozesuen espezializazioan.
Laugarrena.– Hogei egun naturaleko epea irekitzea, ebazpen hau Euskal Herriko Agintaritzaren Aldizkarian argitaratu eta hurrengo egunetik aurrera, Maider Arizmendiarrieta Astarloa andreak 2007ko azaroaren 19ko Aginduaren 11. oinarrian aipatzen diren agiriak aurkez ditzan, Hezkuntzako edozein lurralde-ordezkaritzatan.
Epe horren barruan, ezinbesteko kasuetan izan ezik, adierazitako agiriak aurkezten ez baditu, edo horiek aztertu ondoren aipatutako aginduaren bigarren oinarrian adierazitako baldintzaren bat betetzen ez duela ondorioztatzen bada, karrerako funtzionario izendatua izateko eskubide guztiak galduko ditu. Gainera, hasierako eskabidea faltsutzegatik izan dezakeen erantzukizuna ere eskatu ahal izango zaio.
Bosgarrena.– Euskal Autonomia Erkidegoko Justizia Auzitegi Nagusiko administrazioarekiko auzien salari dagokio epaia betearazteko izapideetan sor litekeen guztiaz arduratzea, Administrazioarekiko auzien jurisdikzioa arautzen duen uztailaren 13ko 29/1998 Legearen 103.1 eta 109. artikuluek xedatzen dutenari jarraikiz.
Vitoria-Gasteiz, 2016ko maiatzaren 2a.
Langileriaren Kudeaketako zuzendaria,
KONRADO MUGERTZA URKIDI.
