Euskal Herriko Agintaritzaren Aldizkaria

87. zk., 2016ko maiatzaren 10a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

OSAKIDETZA-EUSKAL OSASUN ZERBITZUA

1969

IRAGARKIA, Osakidetza-Euskal osasun zerbitzuko Bizkaiko Osasun Mentaleko Sarearena, lizitazio-prozedura irekiari dagokiona, ondoko espedienteari buruzkoa: «Bizkaiko Osasun Mentaleko Sareko historia klinikoen digitalizazioa».

1.– Erakunde esleitzailea.

a) Erakundea: Osakidetza-Euskal osasun zerbitzua, Osasun Sailari atxikitako Ente Publikoa, Bizkaiko Osasun Mentaleko Sarea (BOMS), Maria Diaz de Haro kalea, 58, 48010, Bilbao (Bizkaia). Telefonoak: 94 470 52 80. Telefaxa: 94 470 52 82.

b) Espedientea izapidetzen duen bulegoa: Bizkaiko Osasun Mentaleko Sarea – Kontratazio Zerbitzua.

c) Espediente-zenbakia: G/211/20/1/0810/O501/0000/042016.

2.– Kontratuaren xedea.

a) Kontratu-mota: zerbitzuak.

b) Xedearen deskribapena: Bizkaiko Osasun Mentaleko Sareko historia klinikoen digitalizazioa.

c) Lote eta zenbakien araberako banaketa: ez (lote bakarra). Ikus zehaztasunak Oinarri Teknikoen Pleguan.

3.– Izapideak, prozedura eta esleitzeko era.

a) Izapidetzea: arrunta.

b) Prozedura: irekia.

4.– Lizitaziorako oinarrizko aurrekontua: 95.646,60 euro (BEZik gabe). Kontratuaren balio zenbatetsia: 105.211,26 euro (BEZik gabe).

5.– Behin-behineko bermea: ez dagokio.

6.– Dokumentazioa eta informazioa non eskuratu: Bizkaiko Osasun Mentalean, Maria Diaz de Haro, 58, 48010, Bilbao (Bizkaia) helbidean, eta kontratatzailearen profilaren bitartez. Ikus 13. puntua.

7.– Kontratatzaileak bete beharreko berariazko baldintzak (ahalmena eta kaudimena).

a) Sailkapena: ez dagokio, hala jasota baitago Sektore Publikoko Kontratuen Legearen testu bategina (SPKLTB) onartzen duen 2011ko azaroaren 14ko 3/2011 ELDaren 65.1.b) artikuluak (erregelamendu bidezko garapena 2015eko abuztuaren 28ko 773/2015 EDko 46. artikuluak egiten du, horren arabera aldatu baitira Kontratuen Legearen Araubide Orokorreko zenbait agindu).

b) Beste baldintza batzuk:

Ikus pleguko klausulak. Atzerriko enpresek dagokien eranskinean jasotakoa kontuan hartu beharko dute.

Nolanahi ere, zuzeneko eragina duenez kontratazio publikoari buruzko Europako Parlamentuaren eta Kontseiluaren 2014ko otsailaren 26ko 2014/24/EB zuzentarauaren 59 artikuluak (zuzentarau horrek 2004/18/EK indargabetu zuen), parte hartzeko eskabideak edo eskaintzak aurkezteko unean, botere esleitzaileek aurretiko proba gisa onartuko dute kontrataziorako Europako dokumentu bateratua deritzona; hau da, interesatuaren aitorpen eguneratua, eta horrek ordezkatuko du interesatuak eskatzen diren baldintzak betetzen dituela dioen agintari publikoek edo hirugarrenek emandako edozein ziurtagiri. «Kontrataziorako Europako dokumentu bateratua» esteka honetan eskura daiteke: http://eur-lex.europa.eu/legal-content/ES/TXT/PDF/?uri=OJ:JOL_2016_003_R_0004&from=ES

Europar Batasuneko estatu kideetako enpresa ez espainiarrek ondoren aipatzen diren bitartekoen bidez ere egiaztatu ahal izango dituzte ekonomia- eta finantza-kaudimenari eta gaitasun teknikoari buruzko betekizun hauek SPKLTBren 75. eta 78. artikuluen arabera, betiere atzerriko enpresei buruzko pleguko eranskinak aipatzen duen presuntzioaren kalterik gabe:

Kreditazio-bideak:

a) Ekonomia- eta finantza-kaudimena:

Arrisku profesionalengatiko kalte-ordaineko aseguru bat dagoela erakutsiko da egiaztagiri bidez. Horrek jaso beharko ditu: estalitako arrisku zehatzak, indarraldiaren gutxieneko epea edo iraungipen-data, eta hori, esleipenduna izanez gero, kontratua exekutatzen den denboran mantendu beharko da, 106.000 euroko (BEZik gabe) edo hortik gorako bermea izanik.

b) Kaudimen teknikoa edo profesionala:

Kontratuan parte hartzen duten langile teknikoak edo unitate teknikoak zehaztea –enpresa barrukoak nahiz kanpokoak–, batez ere kalitate-kontroleko arduradunak.

Alderdi hauen deskribapena: instalazio teknikoak, kalitatea bermatzeko erabiltzen diren neurriak eta enpresak azterketak eta ikerketak aurrera eramateko eskura dituen baliabideak.

Betekizunak: horrez gain, gaitasun teknikoa egiaztatu beharko da, kontratua gauzatzeko behar diren giza baliabideak edo bitarteko materialak jartzeko konpromisoaren bidez, eta eskaintzan zehaztu beharko da erantsitako dokumentuari jarraiki.

Baldin eta, kaudimena egiaztatzeko, lana gauzatzeko dauzkan makinei eta ekipoei buruzko adierazpen bat egitea eskatzen bazaio, makina eta ekipo horiek beren segurtasun-araudiari egokitzen zaizkiola egiaztatzeko agiriak aurkeztu beharko dira adierazpenarekin batera. Besteak beste, makinei buruzko europar zuzentarauaren ondorioz emandako 1435/1992 Errege Dekretua eta gainerakoak, eta lan-ekipoei buruzko 1215/1997 Errege Dekretua.

8.– Parte hartzeko eskabideak edo eskaintzak aurkeztea.

a) Aurkezteko azken eguna: 2016ko maiatzaren 30a, astelehena, 12:00etan.

b) Aurkeztu beharreko agiriak: administrazio-klausula berezien pleguan zehaztutakoa eta espedientearen gainontzeko dokumentazioa.

c) Aurkezteko lekua: ikus 1.a puntua, Erregistro Orokorrean.

d) Lizitatzaileak zenbat denboran eutsi behar dion bere eskaintzari: 2 hilabetez, proposamen ekonomikoak irekitzen direnetik aurrera.

e) Aldaerak onartzea: ez.

9.– Eskaintzak baloratzeko irizpideak, administrazio-klausula berezien pleguaren karatularen 30. puntuan ezarritakoaren arabera.

a) Formuletan oinarritutako irizpideak: prezioa/balorazio ekonomikoa: % 75.

b) Balio-judizioan oinarritutako irizpideak: proposamen teknikoaren balorazioa: % 25.

10.– Eskaintzak irekitzea.

a) Eskaintzak irekitzea, balio-judizioa egiteari lotutako irizpideei dagokienez: Erakundea: Bizkaiko Osasun Mentaleko Sarea. Helbidea: Maria Diaz de Haro, 58, 48010 Bilbao (Bizkaia). Data: 2016ko ekainaren 2a, 10:00etan.

b) Eskaintzak irekitzea, alderdi ekonomikoari eta formula bidez balioztatu daitezkeen irizpideei dagokienez: Erakundea: Bizkaiko Osasun Mentaleko Sarea. Helbidea: Maria Diaz de Haro, 58, 48010 Bilbao (Bizkaia). Data: 2016ko ekainaren 9a, 10:00etan.

c) Eskaintzak jendaurrean aipatutako egunetan irekiko dira, atzeratzen ez bada, Herri Administrazioen Kontratuei buruzko Legearen Erregelamendu Orokorraren 80.4 artikulua aplikatuta (1098/2001 ED) edo bestelako arrazoiengatik atzeratzen ez bada, eta kasu bietan irekitzeko beste egunen berri emango da, bakar-bakarrik, Eusko Jaurlaritza/Osakidetza Kontratatzailearen profilaren «Iragarki-taula»ren bidez.

11.– Beste argibide batzuk.

a) Kontratuak 20 hileko iraupena izango du eta ezin izango da luzatu.

12.– Iragarkien gastuak: esleipendunak ordainduko ditu (461,52 euro, gutxi gorabehera).

13.– Hala dagokionean, deialdiari buruzko informazioa agertu edo agiriak lortzeko informatikako ataria edo web orrian: bai. Eusko Jaurlaritzako kontratatzailearen profila web orriaren bidez: www.osakidetza.euskadi.eus

Bilbao, 2016ko apirilaren 29a.

Kontratazio Mahaiko presidentea,

BERNARDO SUAREZ MONASTERIO.

Azterketa dokumentala