Euskal Herriko Agintaritzaren Aldizkaria

64. zk., 2016ko apirilaren 6a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

1440

EDIKTUA, ezkontzaz kanpoko seme-alabentzako neurrietarako 99/2015 prozeduraren ondoriozkoa.

JAKINARAZPEN-ZEDULA

Durangoko Lehen Auzialdiko 1 zenbakiko Epaitegian (Bizkaia), ezkontzaz kanpoko seme-alabentzako neurriei buruzko 99/2015 prozedura bideratu da, Bitilokho Mbaye-k eskatuta Thieyacine Ba-ren aurka. Prozedura horren gainean, epaia eman da. Hona hemen idazpurua eta epaitza:

34/2016 epaia

Epailea: Leticia Badiola Perez andrea.

Lekua: Durango (Bizkaia).

Eguna: bi mila eta hamaseiko otsailaren hogeita bia.

Alderdi demandatzailea: Bitilokho Mbaye.

Abokatua: Alberto Eguiarte Arribalzaga.

Prokuradorea: Fco. Javier Aguirreurreta Bilbao.

Alderdi demandatua: Thieyacine Ba.

Abokatua:

Prokuradorea:

Judizioaren gaia: mantenua eta zaintza eta jagoletza eskatzeko demanda.

EPAITZA

Baiesten dut seme-alaba eta gurasoen arteko neurrietarako demanda, Aguirreurreta prokuradoreak Bitilokho Mbaye-ren ordezkaritzan aurkeztua, Thieyacine Ba-ren aurka. Horrenbestez, neurri hauek hartzea erabakitzen dut:

– Bitilokho Mbaye-ri bakarrik esleitzen zaio XXXXX eta YYYYY adingabeen zaintza eta jagoletza. Guraso-ahala ere berak bakarrik izango du.

– Mantentu-pentsio bat ezartzen da, hilean 300 eurokoa (150 euro seme-alaba bakoitzeko), Thieyacine Ba-k ordaindu behar duena hilabete bakoitzaren lehenengo bost egunetan, amak adierazten duen kontuan. Pentsio hori urtero eguneratuko da, urtarrilean, KPIren edo haren baliokidearen eguneratzeen arabera. Adingabeen aparteko gastuak erdibana ordainduko dituzte.

Ez da kosturik ezartzen.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, egin ezean, ez da errekurtsoa izapidetzea onartuko. Gordailua egiteko, diru hori zainpean utzi beharko da Epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan (kontu-zenbakia: 4760 0000 33 0099 15). Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena: Epaiari dagokion egunean, jendaurreko entzunaldia egiten ari zelarik, epaia eman zuen epaile berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut, Durangon, bi mila eta hamaseiko otsailaren hogeita bian.

Eta Thieyacine Ba demandatuari behar bezalako jakinarazpena egiteko balio dezan, ematen eta sinatzen dut hau, Durangon (Bizkaia), bi mila eta hamaseiko otsailaren hogeita bian.

IDAZKARIA.

Azterketa dokumentala